استاناداعى ەتنواۋىلدا سۇگىردىڭ كۇيلەرى ورىندالدى
مادەني شارا سۇگىردىڭ كۇيلەرىمەن باستالدى، دەپ حابارلايدى قازاقپارات ح ا ا ءتىلشىسى.
وڭتۇستىكتىڭ قولونەر شەبەرلەرى جانە سۋرەتشىلەرىنىڭ كورمەسىنە جينالعان استانالىق تۇرعىندار مەن قوناقتار شەرتپە كۇيدىڭ شەبەرلەرى سۇگىر ءالى ۇلى، تولەگەن مومبەكوۆ سىندى ءبىرقاتار وڭتۇستىكتەن شىققان كۇيشىلەردىڭ كۇيلەرىن تىڭدادى.
سۇگىر اتىنداعى قازاق ۇلت- اسپاپتار وركەسترى 2002-جىلى قۇرىلسا، 2009-جىلى بەلگىلى كۇيشى سۇگىر ءالى ۇلىنىڭ ەسىمى بەرىلگەن.
بۇگىنگى تاڭدا وركەسترگە ومىربەك قونىسبەكوۆ جەتەكشىلىك ەتەدى. باس ديريجەرى ەرلان داۋرەنبەكوۆ. قۇرامىندا 45 تەن استام مۋزىكانت قىزمەت ەتەتىن وركەستر قۇرىلعان كۇننەن باستاپ، رەسپۋبليكا، وبلىس قالا كولەمىندە وتكىزىلەتىن بارلىق مادەني ءىس-شارالارعا بەلسەنە اتسالىسىپ، قازاق ونەرىنىڭ ءوز بيىگىنەن تۇسپەۋى ءۇشىن ولشەۋسىز ەڭبەك ءسىڭىرىپ كەلەدى.
وركەستر تەك قازاق كومپوزيتورلارىنىڭ شىعارمالارىن عانا ەمەس، الەمدىك مۋزىكالاردى دا ۇلتتىق اسپاپتاردىڭ ۇنىمەن ۇيلەستىرىپ، كورەرمەننىڭ كوڭىلىنەن شىعۋدا. وركەستردىڭ سۇيەمەلدەۋىمەن وسى ۋاقىتقا دەيىن ك س ر و حالىق ءارتىسى بيبىگۇل تولەگەنوۆا، نۇرعالي ءنۇسىپجانوۆ، نۇرجامال ۇسەنبايەۆا ت. ب ونەر ساڭلاقتارى ءان سالىپ، حالىقتىڭ ىستىق ىقىلاسىنا بولەنگەن بىردەن-ءبىر ونەر ۇجىمى سانالادى.
بۇگىنگى مەرەكەلىك كونتسەرتتە 2017-جىلعى ۇلت كوشباسشىسى تۇڭعىش پرەزيدەنت قورىنىڭ لاۋرەاتى جانە 2017-جىلعى حالىقارالىق بۋرسا قالاسىندا وتكەن «التىن قاراكوز» بايقاۋىنىڭ 1-ورىن يەگەرى، بىرنەشە دۇركىن حالىقارالىق بايقاۋلاردىڭ لاۋرەاتى اتانىپ جۇرگەن «قازىنا» ءبي ءانسامبلى ونەر كورسەتىپ، كۇمىس كومەي انشىلەر وركەستر سۇيەمەلدەۋىمەن ءان سالدى دەپ كۇتىلۋدە.
اۆتور: اينۇر اقبايەۆا