14:21, 29 - تامىز 2017 | GMT +5
فيرۋزا شاريپوۆاعا رەكوردتار كىتابىنا ەنگەنى تۋرالى سەرتيفيكات تاپسىرىلدى
استانا. قازاقپارات - فيرۋزا شاريپوۆاعا كاسىپقوي بوكستان الەم چەمپيونى اتانعان قازاقستانداعى ءبىرىنشى بۇرىمدى سپورتشى رەتىندە قازاقستان رەكوردتار كىتابىنا ەنگەنى تۋرالى سەرتيفيكات تاپسىرىلدى، دەپ حابارلايدى قازاقپارات ءتىلشىسى.
بۇل تۋرالى «QAZSPORT» تەلەارناسىنىڭ رەسمي سايتى حابارلادى.
سەرتيفيكاتتى قازاقستان رەكوردتار كىتابىنىڭ استانا قالاسىنداعى وكىلى قۋاندىق قۇدايبەرگەنوۆ سپورتشىنىڭ قولىنا تاپسىردى.
ەستەرىڭىزگە سالا كەتەيىك، وتانداسىمىز فيرۋزا شاريپوۆا 26- تامىز كۇنى جەڭىل سالماقتاعى WIBA جانە WBU چەمپيوندىق تيتۋلدارى ءۇشىن وتكەن جارىستا بولگاريالىق ميلەنا كوليەۆاعا قارسى جەكپە-جەكتە جەڭىسكە جەتكەن بولاتىن.
قازاقستان بوكسى تاريحىندا مۇنداي بولماعان، فيرۋزا شاريپوۆا - كاسىپقوي بوكستان الەم چەمپيونى اتانعان قازاقستانداعى ءبىرىنشى بۇرىمدى سپورتشى جانە قازىرگى ۋاقىتتا ايەلدەر اراسىنداعى قازاقستاننان شىققان جالعىز چەمپيون.
اۆتور: كۇنسۇلتان وتارباي
