تورەشىلەردىڭ ادىلەتسىز شەشىمىن وزگەرتكەن ابىلايحان ءجۇسىپوۆتىڭ جەكپە-جەگىنىڭ ۆيدەوسى

استانا. قازاقپارات - گەرمانيانىڭ گامبۋرگ قالاسىندا ءوتىپ جاتقان بوكستان الەم چەمپيوناتىندا قازاقستاندىق ابىلايحان ءجۇسىپوۆ پەن يتاليالىق ۆينچەنتسو ماندجاكاپرە اراسىنداعى جەكپە-جەكتىڭ ۆيدەوسى شىقتى، دەپ حابارلايدى قازاقپارات.
None
None

ەسكە سالساق، كەشە 69 كەلى سالماق دارەجەسىندە ابىلايحان ءجۇسىپوۆ پەن يتاليالىق ۆينچەنتسو ماندجاكاپرەنىڭ جەكپە-جەگى وتكەن بولاتىن. وندا ءۇشىنشى راۋندتا وتانداسىمىزدىڭ جاراقات الۋىنا بايلانىستى تورەشى جەكپە-جەكتى توقتاتىپ، ونى ءارى قاراي جالعاستىرۋعا جول بەرمەدى.

وسىلايشا جەڭىس يتاليالىقتىڭ قانجىعاسىنا بايلاندى. كەيىننەن قازاقستاندىق تاراپ تورەشىلەر شەشىمىنىڭ قايتا قارالۋىنا قول جەتكىزدى.

سەبەبى بوكسشىلاردىڭ ايقاسى توقتاتىلعان ۋاقىتتا ەسەپ ايىرماسى بويىنشا ءجۇسىپوۆ الدا كەلە جاتقان ەدى. سپورتشىمىزعا قوسىمشا مەديتسينالىق تەكسەرۋ قاجەت بولدى. تەكسەرۋ ناتيجەسى ءجۇسىپوۆتىڭ العان جاراقاتى بولماشى بولعانىن جانە جەكپە-جەكتى توقتاتۋدىڭ قاجەتى بولماعانىن كورسەتتى.

وسىلايشا، جەڭىس جۇسىپوۆكە بەرىلدى. تومەندەگى ۆيدەودان جەكپە-جەك بارىسىندا وتانداسىمىزدىڭ اسا ءبىر اۋىر جاراقات الماعانىن بايقاۋعا بولادى.



اۆتور: كۇنسۇلتان وتارباي

سوڭعى جاڭالىقتار