10:41, 29 - تامىز 2017 | GMT +6
باۋىرجان مومىش ۇلىنىڭ اسكەري ومىرگە قاتىستى قاناتتى سوزدەرى
استانا. قازاقپارات - ءاربىر ازاماتقا وتان الدىنداعى بورىشىن وتەۋ مىندەت. اسكەري سالا - بۇگىنگى تاڭدا قارىشتاپ دامىعان سالالاردىڭ ءبىرى.
ەلدىڭ تىنىشتىعى مەن قاۋىپسىزدىگىن كۇزەتەتىن اسكەريلەردىڭ قاشان دا ەرەك، قاي كەزدە دە قۇرمەتكە لايىق. وسى ورايدا قازاقتىڭ باتىر ۇلى، ۇلت ماقتانىشى باۋىرجان مومىش ۇلىنىڭ اسكەري ومىرگە قاتىستى قاناتتى سوزدەرىن نازارلارىڭىزعا ۇسىنۋدى ءجون سانادىق.
***
ەرلىك - تاربيە جەمىسى.
***
سولداتتىڭ اناسى - وتاننىڭ اناسى.
***
جەرگە تەر توگىپ، حالىققا قان توگىپ قىزمەت ەت. ەل دەگەندە ەزىلىپ، جۇرت دەگەندە جۇمىلىپ قىزمەت ەت.
***
وتاندا وپاسىزعا ورىن جوق.
***
ەل قادىرىن بىلمەگەن ەر قادىرىن بىلمەيدى.
***
پارىز سەزىمى، ادامگەرشىلىك - جەكە باستىڭ، ۇلتتىڭ، وتاننىڭ ماقتانىشى.
***
جاۋىنگەرلىك تاربيە اسكەري كيىمدە ەمەس، جورگەكتە جاتىر.
***
جەڭىسكە تەك رۋحتىڭ كۇشتىلىگىمەن عانا جەتۋگە بولادى.