10:29, 29 - تامىز 2017 | GMT +6
قىتاي مەن ءۇندىستان داۋلى ايماقتان اسكەرلەرىن شىعارۋعا كەلىستى
استانا. قازاقپارات - قىتاي مەن ءۇندىستان بيلىگى شەكاراداعى داۋلى دوكلام ايماعىنان ءوز اسكەرىن شىعارۋعا ۋاعدالاستى.
بۇل تۋرالى ءۇندىستاننىڭ سىرتقى ىستەر مينيسترلىگى مالىمدەدى. قوس تاراپتىڭ جاۋىنگەرلەرى ەكى اي بويى ءبىر-بىرىمەن تەكەتىرەسىپ كەلگەن ەدى.
ويتكەنى 16- ماۋسىمدا جول سالىپ جۇرگەن قىتاي اسكەرى بۋتان شەكاراسىنا كىرىپ كەتەدى.
وسىدان كەيىن ونداعى باسشىلىق كورشى ءۇندىستاننان كومەك سۇرايدى.
رەسمي دەلي مەن تحيمپحۋدىڭ ايتۋىنشا، بۇل ايماقتاعى شەكارا سىزىعى ناقتىلانباعان. سوندىقتان قىتايعا تيەسىلى ەمەس. ال بەيجىڭدەگىلەر ايماقتى ءوز مەنشىگى دەپ سانايدى.
الايدا ەكى ەلدىڭ وكىلدەرى ۇزدىكسىز كەلىسسوزدەر جۇرگىزۋدىڭ ارقاسىندا ماسەلەنى بەيبىت جولمەن شەشتى.
www.24.kz