سۋپەرماركەت كۇزەتشىسى ءوزىنىڭ بۇرىنعى ۇستازىن ۇرلىق ۇستىندە ۇستاپ الىپ، ماسقاراسىن شىعاردى - ۆيدەو
كۇزەتشى مۇنىمەن شەكتەلمەي، ءوزى تۇسىرگەن ۆيدەونى ينتەرنەت جەلىسىندە جاريالاعان.
ۆيدەودان زەينەت جاسىنداعى ايەلدىڭ سومكەسىنىڭ استىڭعى بولىگىندەگى قالتاسىنا شپروت كونسەرۆىسىن، ىرىمشىك جانە پەچەنە جاسىرىپ الىپ كەتپەك بولعان ءساتى بەينەلەنگەن.
سونىمەن قاتار، ۆيدەودان: «بۇل قالاي بولعانى؟ وسىلاي ەتۋگە بولا ما؟ ءسىز كەزىندە مەن وقىعان مەكتەپتىڭ ديرەكتورى ەدىڭىز عوي»، - دەگەن كۇزەتشىنىڭ داۋىسىن ەستۋگە بولادى.
مۇنى كورگەن جەلى پايدالانۋشىلارىنىڭ كىمنىڭ ءىسى دۇرىس ەكەندىگىنە قاتىستى پىكىرلەرى قاق جارىلدى: بىرەۋلەر تۇرمىس دەڭگەيىن ەسكەرە وتىرىپ، زەينەتاقىسى كۇنكورىسكە جەتپەيتىن زەينەتكەر ۇرىنى اقتاۋعا تىرىسىپ، كۇزەتشىنىڭ بۇل ارەكەتى ادامگەرشىلىككە جاتپايتىنىن ايتسا، ەكىنشىلەرى، كەرىسىنشە، كۇزەتشىنى جاقتاپ، زەينەتكەر ايەلدىڭ ۇرلىققا بارعانىن داتتاۋدا.
دەرەككوزى: رەسەيلىك ب ا ق
