الماتى اكىمدىگى اعاش تۇبىنە اسفالت توسەگەندەردى جازالايدى - فوتو
مۇنداي جاعداي تۇركسىب اۋدانىنداعى تۇرعىن ۇيلەردىڭ ءبىرىنىڭ اۋلاسىندا قايتالانىپ وتىر. «بۇل بالالار وينايتىن الاڭ. ءبىر اپتا بۇرىن مۇندا اتكەنشەكتەر، قۇمسالعىشتار تۇراتىن. بارلىعى بار ەدى. كەلەسى جىلى بۇل اعاشتار ءولىپ قالادى. (...) ءبىز بۇل اعاشتاردى 30 جىل بۇرىن بۇكىل اۋلا بولىپ بارلىعىمىز وتىرعىزعانبىز. ال ەندى وتىرعىزعان اعاشتارىمىز قيراپ جاتىر»، - دەپ جازعان الماتىلىق ەۆگەنيا لەيمان Facebook جەلىسىندەگى پاراقشاسىندا.
بۇگىن تۇركسىب اۋدانىنىڭ اكىمى پاۆەل كۋلاگين Alatau Constraction كومپانياسىنىڭ مەردىگەرىنىڭ اعاشتاردى اسفالتتاعى الىپ تاستاۋدى باستاعانىن ايتتى. «مەردىگەرگە قاتىستى شارالاردى قولداندىق. اسفالت تولىقتاي الىنىپ جاتىر. مەردىگەردىڭ جۇمىسىن باقىلايمىز. مۇندا ءبىر جوعارى ءبىلىمنىڭ قاجەتى جوق سياقتى، ءبىراق ءبىزدىڭ ادامدار اعاش تۇبىنە اسفالت توسەپ تاستايدى. قازىرگى ۋاقىتتا اسفالتتاردى الىپ جاتىرمىز. سونداي-اق، كولىكتەردىڭ اعاشتارعا جاقىن ماڭعا توقتاماۋلارىن باقىلايمىن. ماعان سۋرەتتەردى جىبەردى، كەشكە قاراي تاعى دا سول جاققا بارىپ، جۇمىستى باقىلايمىن»، - دەدى تۇركسىب اۋدانىنىڭ اكىمى پاۆەل كۋلاگين.
Tengrinews.kz