ديماشتىڭ امەريكالىق جانكۇيەرى ءانشىنىڭ وتانىنا مۇحيت اسىپ كەلدى - كەسكىن
پاتريس گرۋلليون لوس-انجەلەستەن كەلگەن. ونىڭ ايتۋىنشا، ديماش ءار كونسەرتىنىڭ سوڭىندا: «قازاقستانعا قوش كەلدىڭىزدەر!» دەيدى جانە بەلگىلى ءانشىنىڭ بۇل سوزدەرى جانكۇيەرىنىڭ قازاقستانعا كەلۋىنە شەشىم قابىلداتقان.
ول قازاقستاندا ءۇش اي بولماقشى. وسى ۋاقىت ارالىعىندا قازاق ءتىلىن مەڭگەرىپ، ەلىمىزدىڭ مادەنيەتى جانە سالت-داستۇرىمەن تانىسۋدى جوسپارلاپ وتىر.
ديماشتىڭ جانكۇيەرى ول وقيتىن ۋنيۆەرسيتەتتە بولىپ تا ۇلگەرگەن. ەندى الماتىداعى ونىڭ كونتسەرتى مەن سۇيىكتى ءانشىسىنىڭ تۋىپ-وسكەن جەرىن كورۋ ءۇشىن اقتوبە قالاسىنا اتتانادى.
پاتريس بۇعان دەيىن ەشبىر جانكۇيەرلەر كلۋبىنا مۇشە بولىپ كورمەگەندىگىن ايتتى. قازىر ول «ديماش USA» جانە لوس-انجەلەستەگى «ديماش قۇدايبەرگەن» فان-كلۋبتارىنىڭ مۇشەسى.
«مەن قازاقستاندىقتاردىڭ ديماشتىڭ الەمگە قالاي اسەر ەتكەنىن تۇسىنگەنىن قالايمىن. ول ءارتۇرلى مادەنيەتتەر مەن ەلدەردى، ءارتۇرلى جاستاعى جانە ءتۇرلى دەڭگەيدەگى ادامداردى بايلانىستىردى. ءبىز بارلىعىمىز تۋىسقاندار سياقتى ارالاسىپ كەتتىك»، - دەيدى پاتريس.