گولوۆكين وسى ۋاقىتتا لوس-اندجەلەستە اشىق جاتتىعۋ وتكىزۋدە
«بىزگە قوسىلىڭدار، دوستار! 28- تامىز كۇنى LA Live-تە GGG مەن «كانەلونىڭ» اشىق جاتتىعۋى وتەدى»، - دەپ ينستاگرامدا جازعان گەننادي بوكس سۇيەر قاۋىم ءۇشىن كىرۋ تەگىن ەكەندىگىن اتاپ وتكەن بولاتىن.
ەسكە سالايىق، 16- قىركۇيەكتە گەننادي گولوۆكين مەكسيكالىق بوكسشى ساۋل الۆارەسپەن جۇدىرىقتاسادى. وسى جەكپە-جەكتە الۆارەس GGG- ءدىڭ تەك ەكى اتاعى - WBA مەن IBF بەلبەۋلەرى ءۇشىن عانا تالاسادى.
گولوۆكين ۇتىلىپ قالسا، ونىڭ تاعى ەكى بەلبەۋى - WBC مەن IBO بوس قالىپ، ونى باسقا بوكسشىلار ءوزارا ساراپقا سالادى. ال قازاقستاندىق بوكسشى جەڭىسكە جەتسە، ءتورت بەلبەۋىنە تاعى The Ring جۋرنالىنىڭ ارنايى بەلبەۋىن قوسىپ الادى.
اتالعان باسىلىم ونى ارنايى الۆارەس ءۇشىن شىعارعان بولاتىن. ۋاقىت ايىرماشىلىعىنا بايلانىستى قازاقستاندا جەكپە-جەكتىڭ تىكەلەي كورسەتىلىمى 17- قىركۇيەك كۇنى تاڭەرتەڭ كورسەتىلەدى.