ق ر كونستيتۋتسياسى تۋرالى قىزىقتى مالىمەتتەر
22 جىل بۇرىن نە بولىپ ەدى؟ ەلىمىزدىڭ اتا زاڭىن باسىنان- اياعىنا دەيىن تولىق وقىپ كوردىڭىز بە؟ تىم قۇرىعاندا زاڭ تۋرالى قىزىقتى دەرەكتەردى بىلە جۇرىڭىزدەر.
1995 -جىلى كونستيتۋتسيا جوباسىن تالقىلاۋعا ءۇش ميليوننان استام قازاقستان ازاماتى جۇمىلدىرىلدى. ق ر كونستيتۋتسياسى قابىلدانعاننان كەيىن نەبارى ءۇش- اق رەت وزگەرتۋلەر مەن تولىقتىرۋلار ەنگىزىلدى. 1998, 2007 جانە 2011 -جىلدارى وزگەرىستەر ەنگىزىلدى.
تاۋەلسىزدىكتىڭ 10 جىلدىق، 15 جىلدىق، 20 جىلدىق مەرەيتويلارى قۇرمەتىنە ارنايى پوشتا ماركالارى جارىق كوردى. 2005 -جىلى 10 جىلدىق قۇرمەتىنە 72 تەڭگەلىك نومينالدى ماركا، 2010 -جىلى 15 جىلدىققا، 2015 -جىلى 20 جىل تولۋىنا وراي پوشتالىق ماركا شىعارىلدى.
اتا زاڭ ءماتىنىنىڭ ورىسشا نۇسقاسىنا (7168 ءسوز) قاراعاندا قازاق تىلىندەگى نۇسقاسىندا (8904) ءسوز كوپ. ونىڭ ىشىندە رەسپۋبليكا ءسوزى 260 رەت (ورىسشاسىندا 305) ، قازاقستان ءسوزى 111 رەت، پارلامەنت ءسوزى 82 رەت كەزدەسەدى.
كونستيتۋتسياداعى ەڭ كوپ باب قاراستىرىلعان ءبولىم - «پارلامەنت» (61 - باپ) ، ال ەڭ از باپتى «ادام جانە ازامات» (39 - باپ) . ەڭ العاشقى كونستيتۋتسيا قازاق اۆتونوميالى رەسپۋبليكا كەزىندە 1926 -جىلى 18 اقپاندا قابىلدانعان.
كونستيتۋتسيا كۇنىنىڭ قۇرمەتىنە 2014 -جىلى استانا قالاسىندا ەڭ ۇزىن يتاليا پيروگى ءپىسىرىلدى. ول جوسپارداعىداي 15 مەتر بولىپ شىقپاعانىمەن، 5 مەترگە جەتىپ، رەكورد ورناتتى. بۇل پيتستسادان قالاداعى كونستيتۋتسيانى بىلەتىن تۇرعىندار ءدام تاتتى.
الەمدىك جەلىدە كونستيتۋتسيا باسپالىق نۇسقاسىنىڭ 30 دان استام ءتۇرى بار. ونىڭ ەڭ قاراپايىم، جۇمساق مۇقابالى ءتۇرىن 200-500 تەڭگەگە ساتىپ الۋعا بولادى. ونىڭ وتە قىمبات تۇراتىن تۇرلەرى دە بار. ينتەرنەت ارقىلى وتكىزىلگەن ءباسساۋدادا كونستيتۋتسيانىڭ ەڭ قىمبات نۇسقاسى 130 مىڭ تەڭگەگە ساتىلدى، وندا پرەزيدەنتتىڭ قولتاڭباسى بار بولعان.
Massaget.kz
