قازاقستان ارناسىندا وڭىردەگى جانە الەمدەگى وقيعالارعا قاتىستى ەكى بىردەي باعدارلاما اشىلدى
تەلەارنانىڭ اقپاراتتىق-ساراپتامالىق باعدارلامالار ديرەكتسياسىنىڭ جاڭا ماۋسىمعا ازىرلىگى مەن دايىندىق جۇمىستارى جايلى ديرەكسيا ديرەكتورى ەرلان اتامباي ءمالىم ەتكەن.
بۇعان دەيىن كورەرمەنگە جول تارتقان «1 ستۋديا»، «جۋرناليستىك زەرتتەۋ»، «باستى تاقىرىپ» باعدارلامالارىنىڭ دا ستۋديالارى جاڭارتىلىپ، قۇرىلىمدىق جاعىنان وزگەرىستەر ەنگىزىلگەن.
سونىمەن قاتار، الەۋمەتتىك جاعدايلارعا تالداۋ جاسايتىن «اپتا» باعدارلاماسىندا دا ايتارلىقتاي جاڭالىق بار.
بۇدان بىلاي، حاباردا ءوز سالاسى بويىنشا ۇزدىك اتانعان ساراپشى-ماماندار توبى جاساقتالادى.
ايتا كەتەرلىگى، جاڭا ماۋسىمدا قوس بىردەي باعدارلامانىڭ تۇساۋى كەسىلمەك.
سالامات وماش جۇرگىزەتىن «ەلدەن حابارعا» كەز-كەلگەن تۇرعىن ءوز وڭىرىندەگى ءبىر وقيعانى تاسپاعا ءتۇسىرىپ جىبەرە الادى.
ال، «دابىل» باعدارلاماسى ەلىمىزدە جانە الەمدە بولعان توتەنشە جاعدايلار، وقىس وقيعالار جايلى باياندايدى. «ەلدەن حابار» باعدارلاماسى بۇگىن 17:15 تە «دابىل» حابارى 23:35-تە كورسەتىلەدى.