قىتاي كونسۋلدىعى ۇزىن- سونار كەزەك تۋرالى تۇسىنىكتەمە بەردى
جازدا الماتى كونسۋلدىعى الدىنداعى كەزەك بۇرىنعىدان دا كوبەيە تۇسكەن. جۇزدەگەن ادام ۆيزا راسىمدەۋ ءۇشىن بىرنەشە ساعات اشىق اسپان استىندا كەزەك كۇتۋگە ءماجبۇر. كونسۋلدىق وكىلدەرى كەزەكتى ازايتۋعا بارىنشا جاعداي جاساپ جاتقانىن حابارلادى.
«ستۋدەنتتىك ۆيزالاردى راسىمدەۋگە قوسىمشا تەرەزە اشىلدى. سونىمەن قاتار، قابىلداۋ كۇندەرى ۋاقىتشا ۇزارتىلدى. ەندى قابىلداۋ بەيسەنبى كۇنى كەشكە دەيىن جالعاساتىن بولادى» ، - دەدى ديپلوماتتار. الايدا، قىتاي كونسۋلدىعىندا كەزەكتى جىلجىتقانى ءۇشىن اقشا الاتىن دەلدالدار بارىن كوپ ادام ايتىپ شاعىمدانىپ ءجۇر.
ق ح ر باس كونسۋلدىعى ءوز كەزەگىندە شاعىمدانعان ادامداردىڭ ارىزىنا جاۋاپ بەردى. ارىزدانۋشىلارعا جاۋاپ قىتاي جانە ورىس تىلدەرىندە حابارلاندىرۋ تاقتاسىنا ءىلىندى. «باس كونسۋلدىقتىڭ قىزمەتكەرلەرى كەزەككە قاتىستى قارجى جيناۋعا قۇقىلى ەمەس. ەگەر سىزدەردەن بىرەۋ اقشا سۇراسا، ونى ايعاقتايتىن دالەلىڭىزدى كونسۋلدىق بولىمگە كورسەتۋىڭىز كەرەك» ، - دەلىنگەن حابارلامادا.
قىتايلىق ديپلوماتتار قىتايدا وقيتىن قازاق ستۋدەنتتەرىنە قۇجاتتارىن ۋاقىتىندا تاپسىرۋدى ءوتىندى.
اۆتور: گۇلميرا عوسمانالي