قازاق بالاسى تاەكۆوندودان جاس وسپىرىمدەر اراسىنداعى تۇڭعىش الەم چەمپيونى اتاندى
ول بۇل جەتىستىككە تاەكۆوندودان ەگيپەتتە وتكەن جاس وسپىرىمدەر اراسىنداعى الەم چەمپيوناتىندا قول جەتكىزدى.
بۇل تاەكۆوندو سپورتىنان جاس وسپىرىمدەر اراسىنداعى قازاق سپورتشىلارى تاريحىنداعى العاشقى التىن جۇلدەسى.
41 كەلى سالماقتا سىنعا تۇسكەن باقىتجان ءابىلحاسان الەم بىرىنشىلىگىندە جالپى بەس كەزدەسۋ وتكىزىپ، بارلىعىندا قارسىلاسىن ايقىن باسىمدىقپەن ۇتتى. وتانداسىمىز فينالدا رەسەيلىك ماگومەدوۆ ءشاميلدى تىزە بۇكتىردى.
وعان دەيىن مەكسيكالىق، بولگار، تۇرىك جانە ليۆان تاەكۆوندوشىلارىن جارىس جولىنان تايدىرعان بولاتىن. وسىلايشا، جاس وسپىرىدەر اراسىنداعى الەم چەمپيوناتىن قازاقستان قۇراماسى 1 التىن جانە 1 قولا مەدالمەن اياقتادى.
ەستەرىڭىزگە سالا كەتەيىك، بىرىنشىلىكتىڭ العاشقى كۇنى قىزدار اراسىندا ريتا باكيشەۆا قولا جۇلدەگەر اتانعان بولاتىن.
اۆتور: كۇنسۇلتان وتارباي