ماڭعىستاۋدا ۇشەم دۇنيەگە كەلدى
ۇشەمنىڭ اناسى جاڭاوزەن قالاسىنىڭ 35 جاسار تۇرعىنى جاڭىلحان ايتۋوۆا. ۇيىندە ولاردى كۇيەۋى مەن 14 جانە 15 جاستاعى ۇلدارى كۇتىپ وتىر.
«ايەلدىڭ ۇشەمدى دۇنيەگە اكەلەتىنى اقپان ايىندا انىقتالدى. ۋلترادىبىستى تەكسەرۋ جۇكتىلىكتىڭ 7-8 اپتاسىندا 20- اقپان كۇنى مۇنايشىلار قالاسىندا جاسالدى. باستاپقىدا ايەل سەنە قويعان جوق، الايدا وعان ەكران ارقىلى بالالاردىڭ سوعىپ تۇرعان ءۇش جۇرەگى كورسەتىلگەندە، قاتتى قۋاندى. ۋاقىتىندا تىركەۋگە تۇرىپ، جۇكتىلىك كەزەڭى ءبىرقالىپتى ءوتتى. 6- تامىز كۇنى ايەل جۇكتىلىكتىڭ 33-اپتاسىندا پەريناتالدىق ورتالىققا ءتۇستى»، - دەدى ماڭعىستاۋ وبلىستىق پەريناتالدىق ورتالىعى ديرەكتورىنىڭ ورىنباسارى روزا بادانوۆا.
16- تامىز كۇنى ايەلگە كەسر تىلىگى ارقىلى بوساندىرۋ جاسالدى. ءبىرىنشى بولىپ 2 كەلى 280 گرام 45 س م بويلى ۇل بالا دۇنيەگە كەلدى. ونى ءابدىراحمان دەپ اتادى. ەكىنشىسى دە ۇل (مۇحاممەدالي) - 2 كەلى 170 گرام جانە بويى 44 س م. ءۇشىنشى 2 كەلى 170 گرام سالماقپەن 46 س م بويلى قىز تۋدى. وسىمەن بيىل ەكىنشى مارتە ۇشەمدەر دۇنيەگە كەلىپ وتىر.