قىتاي قازاقستان ستۋدەنتتەرىنە بەرىلەتىن گرانت سانىن ارتتىرادى
قازىر كورشى ەلدە ءبىلىم الىپ جاتقان 14 مىڭعا جۋىق ستۋدەنتتىڭ 1100 ءى تەگىن وقيدى.
بۇل تۋرالى حابار 24 تەلەارناسى حابارلايدى.
بۇل ەكى ەل اراسىنداعى دوستىقتى ارتتىرىپ، ءوزارا تۇسىنىستىكتى تەرەڭدەتە تۇسەدى. ەكى اپتالىق جازعى لاگەرگە بارعان قازاقستاندىق وقۋشىلاردى قابىلداعان قىتاي ءبىلىم ءمينيسترىنىڭ ورىنباسارى تيان سيۋەتسزيۋن وسىلاي دەيدى. ونىڭ ايتۋىنشا، ەكى ەل اراسىنداعى دوستىق قارىم-قاتىناستى جالعايتىن جاستاردىڭ ءوزارا تۇسىنىستىگى ماڭىزدى.
بۇل كۇندەرى قازاقستاننىڭ ءار قالاسىنان جينالعان وقۋشىلار قىتايدا جازعى دەمالىستا ءجۇر. استانا، الماتى، شىمكەنت، قاراعاندى، پاۆلودار قالاسىنان كەلگەن جاس وسپىرىمدەر ءۇرىمجى، بەيجىڭ، حاربين قالالارىندا بولىپ، جەرگىلىكتى مادەنيەتپەن تانىسادى، وقۋ ورىندارىن ارالايدى. جالپى قىتايدىڭ ءبىلىم مينيسترلىگى 2014-جىلدان بەرى ش ى ۇ- عا مۇشە مەملەكەتتەردىڭ وقۋشىلارىن جازعى لاگەرگە شاقىرىپ كەلەدى. بۇعان دەيىن بۇل ەلدە رەسەي، قىرعىزستان، تاجىكستاننىڭ وقۋشىلارى تەگىن دەمالىپ قايتقان.
«قازاقستان ءبىزدىڭ باتىستاعى ەڭ ۇلكەن كورشىمىزدىڭ ءبىرى. قىتايدا مىناداي ءبىر جاقسى ءسوز بار: «الىستاعى تۋىسىڭنان ىرگەدەگى كورشىڭ ارتىق» دەگەن. بۇگىندە قىتايعا كەلىپ جوعارعى وقۋ ورنىندا ءبىلىم الىپ جاتقان ستۋدەنتتەردىڭ سانى 14 مىڭعا جەتسە، سىزدەرگە بارىپ وقيتىن قىتايلىق جاستاردىڭ دا سانى جىل ساناپ ارتىپ كەلەدى»، - دەيدى ق ح ر ءبىلىم ءمينيسترىنىڭ ورىنباسارى تيان سيۋەتسزيۋن.
بۇل جولى قازاقستاننان كەلگەن 138 ادام ەلدىڭ ءار ايماعىن كوردى، جاقىننان تانىستى. ءبىز بۇل شارانى جىل سايىن وتكىزۋدى جوسپارلاپ وتىرمىز.
«وقۋشىلاردىڭ جولدارىن اتا-انالار وزدەرى كوتەرىپ وتىرسا، قىتايداعى بارلىق ءجۇرىپ-تۇرۋى، قالا اراسىنداعى ۇشىپ-قونۋى تەگىن. سىرتتاعى ەلدىڭ مادەنيەتىن تانىسا، ەكى ەل اراسىنداعى دوستىقتى ءارى قاراي جالعاستىرۋ وسى ءوسىپ كەلە جاتقان جاستاردىڭ قولىندا»، - دەيدى استانا قالاسى ءبىلىم باسقارماسىنىڭ باس مامانى اسىل امانكەلديەۆا.