13:00, 28 - تامىز 2017 | GMT +6
جۇرگىزۋشى كۋالىگىن الۋعا سەگىزىنشى رەت تالپىنعان قىتايلىق ارۋ كولىكتى توڭكەرىپ تاستادى - كەسكىن
استانا. قازاقپارات - جىڭ ەسىمدى قىتاي ارۋى بالا كەزدەن تاباندىلىعى مەن وجەتتىگىمەن ەرەكشەلەنەتىن.
سول مىنەزى ونى جۇرگىزۋشى كۋالىگىنە سەگىزىنشى رەت ەمتيحان تاپسىرۋعا سەبەپشى بولدى، دەپ حابارلايدى Daily Mail.
جولدىڭ العاشقى بۇرىلىسىندا- اق جىڭ حانىم كولىكتى باسقارۋ پەدالدارىن شاتاستىرىپ الىپ، تەجەگىشتىڭ ورنىنا گازدى قاتتىراق باسىپ جىبەرگەن. ناتيجەسىندە اۆتوكولىك الدىمەن اعاشقا، سودان كەيىن قابىرعاعا سوعىلىپ بارىپ، توبەسىمەن توڭكەرىلىپ تۇسكەن.
ابىروي بولعاندا، جىڭ حانىم دا، نۇسقاۋشى دا امان-ەسەن، ولاردىڭ دەنساۋلىقتارىنا قاۋىپ ءتونىپ تۇرعان جوق.
كوشەدەن ءوتىپ بارا جاتقان كەزدەيسوق كۋاگەرلەر جەدەل قۇتقارۋ قىزمەتى كەلىپ جەتكەنشە، ولاردى كولىكتەن شىعارىپ العان.
وسى وقيعادان كەيىن جىڭ حانىم ەندى قايتىپ كولىك تىزگىنىنە وتىرمايتىنىن ايتىپ، ۋادە بەرگەن.