11:20, 28 - تامىز 2017 | GMT +5
الەمگە ايگىلى اكتەردىڭ ءسىز بىلمەيتىن وتباسىلىق قۇپياسى - فوتو
استانا. قازاقپارات - الەمگە ايگىلى اكتەر ميتحۋن چاكرابورتيدىڭ كوپشىلىك بىلە بەرمەيتىن وتباسىلىق قۇپياسى بار.
ول وسىدان بىرنەشە جىل بۇرىن تاستاندى بالانى اسىراپ، سۇيىكتى اكە اتانعان. ول كوقىستا جاتقان ءسابيدى كورىپ، بىردەن ءوز ۇيىنە الىپ كەتىپتى. كەيىن ونى ءوز قامقورلىعىنا العان ەكەن. تانىمال اكتەر تاستاندى سابيگە ديشاني دەگەن ەسىمدى قويعان.
سونىمەن بىرگە ميتحۋننىڭ وتباسى دا سۇيكىمدى قىزدى قۇشاق جايا قارسى العان كورىنەدى. ميتحۋننىڭ ايەلى مەن 3 ۇلى كىشكەنە ءسابيدى قاتتى جاقسى كورىپ، ءوز تۋعانىنداي كورگەن. تاسجۇرەك ادامدار ءوز ءسابيىن ساتىپ نەمەسە كوشەگە لاقتىرىپ كەتسە، مەيىرىمدى جۇرەك يەلەرى ولاردى ءوز قامقورلىعىنا الۋدا. وسىنداي وقيعالاردى ەستىگەن كەزدە جۇرەگىڭ جىلىپ، «الەمدە مەيىرىمدى جاندار بار ەكەن عوي» دەپ قۋاناتىنىمىز راس. كەرەمەت اكتەردىڭ كەرەمەت وتباسى كوپكە ۇلگى بولارلىقتاي ەكەن.
«قامشى» سىلتەيدى
