08:54, 28 - تامىز 2017 | GMT +6
ۇشاق اۋە شوۋى كەزىندە ورتەنىپ كەتتى - كەسكىن
استانا. قازاقپارات - وقيعا كانادالىق اسكەري اۋە كۇشتەرى بازاسىندا بولدى، حابارلايدى CTV تەلەارناسى.
The Snowbirds پيلوتاج توبى ۇشاقتارىنىڭ ءبىرى كانادانىڭ گرينۆۋد قالاسىنداعى اۆياشوۋعا قاتىسۋ كەزىندە وتقا وراندى.
وقيعا نوۆايا شوتلانديا پروۆينسياسىنداعى كانادالىق اسكەري اۋە كۇشتەرىنىڭ بازاسىندا بولدى. ست-114 Tutor وقۋ-جاتتىعۋ ۇشاقتارىن قوندىرۋ كەزىندە ولاردىڭ ءبىرىنىڭ تۇمسىق تۇسىنان ءورت شىقتى.
ۇشقىشتار اۋە كەمەسىن توقتاتتى، ال وقيعا ورنىنا كەلگەن ءورت سوندىرۋشىلەر جالىندى ءسوندىردى. ت ج سالدارىنان ەشكىم زارداپ شەككەن جوق.
Ooops... brake fire on the snowbird