ديماش قىتايدا «جىلدىڭ ەڭ ۇزدىك شەتەلدىك ونەر ادامى» ماراپاتىنا يە بولدى - كەسكىن
«اسسالاۋماعالەيكۋم، قۇرمەتتى ونەر سۇيەر قاۋىم! بارشاڭىزعا شىن جۇرەكتەن العىس بىلدىرگىم كەلەدى. وسى فەستيۆالدە جەڭىمپاز اتانۋ مەن ءۇشىن ارمانىما ۇلكەن قادام باسقان بولىپ سانالادى. مۋزىكادا شەكارا جوق، سونى سىزدەر دالەلدەدىڭىزدەر. الداعى ۋاقىتتا قىتاي ەلىندە العاشقى كونسەرتىم وتەدى، سىزدەردى كۇتەمىن» - دەدى ديماش ساحنادا سويلەگەن سوزىندە. ايتا كەتەيىك، ديماشتىڭ «Singer» بايقاۋىنىڭ (قىتاي) ءتۇرلى كەزەڭدەرىندە ورىنداعان «قوڭىر كۇز»، «Uptown Funk»، «Adagio» مەن
«SOS d'unterrien en détresse»، «ۇمىتىلماس كۇن»، «All By Myself» جانە «دايديداۋ» اندەرى «ازيانىڭ جاڭا اندەرى» (Freshasia music) رەيتينگىنە ەنگەن بولاتىن.
ازيانىڭ جاڭا اندەرى فەستيۆالى اتالمىش رەيتينگتىڭ جىلدىق ماراپاتتاۋ شاراسى. ديماش بۇعان دەيىن قىتايدا «ازيانىڭ ەڭ تانىمال ءانشىسى»، «حالىقارالىق دارەجەدەگى تانىمال ءانشى»، «جىلدىڭ ەڭ تانىمال ءانشىسى»، «جىلدىڭ ۇزدىك ەر ءانشىسى»، «ازيانىڭ ەڭ تانىمال شەتەلدىك ءانشىسى» جانە «شەتەلدىڭ ەڭ تانىمال ءانشىسى» جۇلدەلەرىن جەڭىپ العان بولاتىن.
اۆتور: مۇحتار قاليموللا ۇلى