اقبوتا كەرىمبەكوۆا: ەرىككەننەن تۇرمىسقا شىققان جوقپىن
العاشقىلارى ءانشىنى باقىتتى بولۋعا ابدەن لايىق دەپ تاپسا، ەكىنشىلەرى قازاق ايەلىنىڭ بىرنەشە رەت تۇرمىس قۇرۋىن ەرسى دەپ سىنادى. حالىقتىڭ سىنىن ەستۋ اقبوتاعا دا وڭايعا سوققان جوق.
Zhuldyz.tv ارناسىنىڭ «سەنبىلىك سەرۋەن» باعدارلاماسىندا ءانشى ءۇشىنشى رەت تۇرمىسقا شىعۋعا نە يتەرمەلەگەنىن ايتىپ بەردى.
اقبوتا جەكە ءومىرىن ەلگە جاريا ەتكەندى ۇناتپايتىنىن ايتتى. دەسە دە، الەۋمەتتىك جەلى ارقىلى تاراپ كەتكەندىكتەن، ول بار قۇپياسىن اشۋعا بەل بۋدى.
«باقىت دەگەن تىنىشتىقتى جاقسى كورەدى ەكەن. سونى ەندى ءتۇسىندىم. ول اركىمنىڭ باقىتى، تىرشىلىگى، ءومىرى، اركىمدىكى وزىنىكى عوي. ونى ءبىرى تۇسىنەدى، ءبىرى تۇسىنبەيدى. دەگەنمەن دە الەۋمەتتىك جەلىدە ەستىپ، ءبىراز شۋلاپ، ءبىرازى اناۋ دەدى، ءبىرازى مىناۋ دەدى...
ءوز باسىمدى ايتايىن، ەرىككەنىمنەن، كۇيەۋگە شىققىم كەلىپ جاتىر دەگەن ويمەن شىققان جوقپىن. جالعىزدىق اللاعا عانا جاراسقان. جاسىمىز ورتا جاسقا كەلدى. كوڭىلىمىز 18 دەگەنمەن دە، 40 قا كەلگەنىمىز وتىرىك ەمەس. بارار جەرىڭ، ورتاڭ بولادى، سول كەزدە قاسىڭدا ءبىر سۇيەنىشىڭ، تىرەۋىڭ جۇرسە... بالالارعا دا اكە بولماسا دا، اكە ورنىنا ۇيدە ەر ازاماتتىڭ جۇرگەنى دۇرىس قوي. بالالارىڭا ايتا المايتىن اڭگىمەلەر بولادى. سونداي اڭگىمەلەردە دۇرىس باعىت بەرىپ، جول كورسەتىپ وتىرسا، نەگە جالعىزباستى ايەلدەرگە ءوز باقىتى ءۇشىن كۇرەسپەسكە؟» - دەيدى اقبوتا.
ءانشى ءۇشىنشى رەت تۇرمىسقا شىعۋ تۋرالى شەشىمدى قابىلداۋ ءۇشىن ۇزاق ويلانعانىن ايتادى. ايتۋىنشا، بالالارى دا العاشقىدا بۇل جاڭالىقتى وڭدى قابىلداماعان. ويلانا كەلە: «ءسىز باقىتتى بولساڭىز بولدى»، - دەپ كەلىسىمدەرىن بەرگەن. ال سامايىنا اق تۇسكەن اناسى قاشاننان اقبوتانىڭ ءوز تەڭىن تابۋىن تىلەپ كەلىپتى.
«ءومىر ءبىر اق رەت بەرىلگەن. بالا-شاعا وسەدى. ءبىزدىڭ مىندەتىمىز ولاردى ءوسىرۋ، دۇرىستاپ تاربيەلەۋ، وقىتۋ، ورنىنا قويۋ»، - دەگەن اقبوتا الداعى ۋاقىتتا ءوزى ءۇشىن دە ءومىر ءسۇرىپ كورۋگە بەل بۋعانىن ايتتى.