الماتىدا مەملەكەتتىك مەديتسينالىق ورتالىق پەن ونەر مەكتەبى ساتىلىمعا شىعارىلدى
ايماقتىق دياگنوستيكالىق ورتالىقتىڭ باستاپقى باعاسى 4,5 ميلليارد تەڭگەگە باعالانىپ وتىر. ساتىپ الۋدىڭ باستى شارتى - كاسىپورىننىڭ مۇلىكتىك كەشەن رەتىندەگى پروفيلىن ساقتاۋ. ەلەكتروندى تەندەر 12 -قىركۇيەككە بەلگىلەندى.
ءا. قاستەيەۆ اتىنداعى بەينەلەۋ ونەرى جانە تەحنيكالىق ديزاين مەكتەبىنىڭ قۇنى 328 ميلليون تەڭگەگە باعالانعان. ساۋدا 20 -قىركۇيەكتە وتەدى.
«ءۇش جىلعا ءبولىپ تولەۋ قاراستىرىلعان. العاشقى الدىن- الا جارنا مولشەرى ساتىلعان باعانىڭ 15 پايىزىنان كەم بولماۋى ءتيىس. العاشقى جارنا ساتۋ- ساتىپ الۋ كەلىسىمشارتى جاسالعان كۇننەن باستاپ 30 كۇنتىزبەلىك كۇن ىشىندە ەنگىزىلۋى ءتيىس.
كەيىنگى تولەمدەر بارىسىندا ءالى تولەنبەگەن سوماعا ق ر ۇلتتىق بانكىنىڭ قايتا قارجىلاندىرۋ رەسمي ستاۆكاسىنا سايكەس پايىزدىق مولشەرلەمە قوسىلادى.
جىلجىمايتىن مۇلىك جەر تەلىمىنەن بولەك ساتىلادى.
ساتىپ الۋشى جەر تەلىمىنىڭ كاداسترلىق (باعالاۋ) قۇنىن ق ر جەر كودەكسىنە ساي بولەك تولەيتىن بولادى»، - دەلىنگەن حابارلاندىرۋدا.
ساتۋشى - الماتى قالالىق قارجى باسقارماسى بۇعان دەيىن دە «قايرات» فۋتبول كلۋبىنداعى اكىمدىكتىڭ 30 پايىزدىق ۇلەسىن ساۋداعا شىعارعان بولاتىن. الايدا، ونى ساتىپ الۋعا ىنتا بىلدىرگەندەر بولماعان سوڭ ساۋدا وتپەدى.
قازاقستاندا ەلەكتروندىق تەندەر 2016 -جىلدىڭ باسىنان بەرى قولدانىستا. مۇندا ءار قاتىسۋشى ءوزىنىڭ باعاسىن ەلەكتروندىق كونۆەرتكە جۇكتەپ، رەەستردىڭ ارنايى ۆەب پاراقشاسىنا تىركەيدى.