استانادا حالىقارالىق مارافون باستالدى - فوتو
مارافونشىلاردىڭ العاشقى ەكى لەگى 42 جانە 10 شاقىرىمعا جۇگىرىپ كەتتى، دەپ حابارلايدى قازاقپارات.
مارافونشىلار بۇگىن ءۇش قاشىقتىققا 2017 مەتر، 10 ك م جانە 42 ك م 195 مەترگە جۇگىرەدى. حالىقارالىق جارىسقا قاتىسۋعا استانالىقتار مەن قالا مەيماندارىن قوسقاندا 5100-دەن استام ادام كەلگەن.42 شاقىرىمدى ەڭسەرگەن قاتىسۋشى باس جۇلدە - 4,5 ميلليون تەڭگەگە يە بولماق.
مارافوننىڭ اشىلۋ سالتاناتىندا ءسوز سويلەگەن قازاقستان رەسپۋبليكاسىنىڭ مادەنيەت جانە سپورت ءمينيسترى ارىستانبەك مۇحامەدي ۇلى جارىستى ۇيىمداسىرۋشىلار مەن قاتىسۋشىلاردىڭ بارلىعىنا العىسىن ءبىلدىردى.
«بىرەگەي مارافون جارىسى استانادا ءبىرىنشى رەت ۇيىمداستىرىلىپ وتىر. بارلىقتارىڭىز جەڭىس تىلەيمىن!» - دەدى مينيستر.
ارىستانبەك مۇحامەدي ۇلىنىڭ ءىزىن الا ءسوز سويلەگەن شاڭحاي ىنتىماقتاستىق ۇيىمىنىڭ باس حاتشىسى راشيد اليموۆ قاتىسۋشىلاردىڭ بارلىعىنا ساتتىلىك تىلەدى.
«ىنتىماقتاسىپ، بىرلەسىپ الىس قاشىقتىقتى باعىندىرۋدى كوزدەگەن بارلىقتارىڭىزعا كوپ راحمەت! ساتتىلىك سەرىك بولسىن!» - دەدى باس حاتشى.
حالىقارالىق مارافونعا قاتىسۋعا ق ر پرەزيدەنت اكىمشىلىگىنىڭ جەتەكشىسى ادىلبەك جاقسىبەكوۆ، اقپارات جانە كوممۋنيكاتسيالار ءمينيسترى داۋرەن ابايەۆ، استانا قالاسىنىڭ اكىمى اسەت يسەكەشەۆ، ايگىلى سپورتشىلاردان جاقسىلىق ۇشكەمپىروۆ، سەرىك ساپيەۆ، باحتيار ارتايەۆ، قانات يسلام، الەكساندر ۆينوكۋروۆ ت. س. س. كەلگەن.
