وڭتۇستىك كورەيادا الەمگە تانىمالى كومپانيانىڭ باسشىسى بەس جىلعا سوتتالدى
بۇل داۋ- داماي ەلدىڭ بۇرىنعى پرەزيدەنتى پاك كىن حەنىڭ يمپيچمەنتىنە اينالىپ، وڭتۇستىك كورەيا ەكونوميكاسىنىڭ نەگىزىن قالاپ تۇرعان ءىرى كورپوراتسيالارعا حالىقتىڭ نارازالىعى ءورشي ءتۇستى.
لي بۇرىنعى پرەزيدەنت پاكتىڭ بەيرەسمي كەڭەسشىسى جانە قۇربىسى چحۆە سۋن سيلدىڭ قاراماعىنداعى قورلارعا قارجىنى زاڭسىز اۋدارعانىن مويىندامادى. ماۋسىم ايىندا چحۆە بيلىكتى اسىرا پايدالانعانى ءۇشىن ءۇش جىلعا باس بوستاندىعىنان ايىرىلسا، پاك جەمقورلىق جاسادى دەگەن ايىپ بويىنشا سوت الدىندا جاۋاپ بەردى.
اقپان ايىندا ۇستالىپ، جۇما كۇنى سوتتالعان 49 جاستاعى لي ەلەكترونيكا، ۇيالى تەلەفوندار، تەلەديدارلار، مونيتورلار مەن تۇرمىستىق تەحنيكا شىعاراتىن Samsung كومپانياسىنىڭ رەسمي تۇردە ۆيسە- پرەزيدەنتى. الايدا ونىڭ اكەسى، كومپانيا پرەزيدەنتى لي گون حي ينفاركت العاننان كەيىن ول كورپوراتسيانىڭ رەسمي باسشىسى سانالادى.
لي ۇكىمدى قايتا قاراتۋ ءۇشىن شاعىم تۇسىرۋگە نيەتتى، دەپ حابارلادى ونىڭ ادۆوكاتى.