بىرىككەن اراب امىرلىكتەرىنە قازاقستان ازاماتتارى ۆيزاسىز كىرۋ ءتارتىبى تالقىلاندى - ق ر س ءى م
بۇل تۋرالى قازاقستاننىڭ بىرىككەن اراب امىرلىكتەرىندەگى ەلشىسى قايرات لاما شاريف ب ا ءا س ءى م كونسۋلدىق قىزمەت دەپارتامەنتىنىڭ ديرەكتورى ياسەر اش- شيماليمەن بولعان كەزدەسۋدە مالىمدەدى، دەپ حابارلايدى قازاقپارات.
ءوز كەزەگىندە ياسەر اش- شيمالي امىرلىكتەر تاراپى دا قازاقستان ازاماتتارىنىڭ ب ا ءا- گە ۆيزاسىز بارۋىنا مۇمكىندىك بەرەتىن قول قويىلعان ەكى جاقتى حاتتامانىڭ كۇشىنە ەنۋى ءۇشىن مەملەكەتىشىلىك راسىمدەردى اياقتالۋعا جاقىن ەكەنىن حابارلادى.
ق ر س ءى م سايتىنىڭ مالىمەتىنشە، 2017 -جىلعى قىركۇيەكتە ب ا ءا ۇكىمەتىنىڭ قاۋلىسى بەكىتىلگەننەن كەيىن امىرلىكتەردىڭ بارلىق مەملەكەتتىك ورگاندارى، سونداي- اق ءابۋ- دابي، دۋباي جانە باسقا امىرلىكتەردىڭ حالىقارالىق اۋەجايلارى بۇل تۋرالى اقپارات الادى جانە وزدەرىنىڭ ىشكى ەرەجەلەرىنە تۇزەتۋلەر مەن وزگەرىستەر ەنگىزەدى.
ب ا ءا س ءى م ك ق د ديرەكتورىنىڭ پىكىرىنشە، قازاقستان ازاماتتارى ءۇشىن امىرلىكتەرگە ۆيزاسىز كىرۋ ءتارتىبى شامامەن 2017 -جىلعى قازان- قاراشادا كۇشىنە ەنەدى.
ايتا كەتەرلىگى، 2017 -جىلعى 23 - مامىردا استانادا قازاقستاننىڭ سىرتقى ىستەر ءمينيسترى قايرات ءابدىراحمانوۆتىڭ بىرىككەن اراب امىرلىكتەرىنىڭ سىرتقى ىستەر جانە حالىقارالىق ىنتىماقتاستىق ءمينيسترى شەيح ابداللا بەن زايد ءال ناحايانمەن وتكەن كەلىسسوزدەرىنىڭ قورىتىندىسى بويىنشا ق ر جانە ب ا ءا جالپى ازاماتتىق پاسپورتتارىن يەلەنۋشى ازاماتتارىنىڭ ءوزارا ۆيزاسىز ساپارلارى تۋرالى حاتتاماعا قول قويىلدى.
2017 -جىلعى 20 - شىلدەدە ق ر ۇكىمەتى جوعارىدا اتالعان 2010 -جىلعى 13 - مامىرداعى ۇكىمەتارالىق كەلىسىمگە وزگەرتۋلەر مەن تولىقتىرۋلار ەنگىزۋ تۋرالى حاتتامانى ءوز قاۋلىسىمەن بەكىتتى.
2017 -جىلعى 26 - شىلدەدە ق ر س ءى م ديپلوماتيالىق ارنالار ارقىلى ب ا ءا سىرتقى ساياسي ۆەدومستۆوسىنا ەكى جاقتى حاتتامانىڭ كۇشىنە ەنۋى ءۇشىن قاجەتتى مەملەكەتىشىلىك راسىمدەردىڭ قازاقستاندا اياقتالعانى تۋرالى حابارلادى.