18:33, 25 - تامىز 2017 | GMT +6
مەيۆەزەر-ماكگرەگور ايقاسىن ەلىمىزدە تىكەلەي قاي ارنا كورسەتەتىنى بەلگىلى بولدى
استانا. قازاقپارات - مەيۆەزەر - ماكگرەگور جەكپە-جەگىن ەلىمىزدىڭ «حابار» ارناسى تىكەلەي ەفيردە كورسەتەتىن بولدى، دەپ حابارلايدى قازاقپارات تەلەارنانىڭ سايتىنا سىلتەمە جاساپ.
بوكستان 12 دۇركىن الەم چەمپيونى امەريكاندىق كىشى فلويد مەيۆەزەر جانە جەڭىل سالماقتاعى UFC چەمپيونى يرلاندىق كونور ماكگرەگور جۇدىرىق تۇيىستىرەتىنىن وسىعان دەيىن حابارلاعان بولاتىنبىز.
ەكى مىقتى اراسىنداعى ايقاستى قازاقستاندىقتار «حابار» ارناسىنان تىكەلەي ەفير ارقىلى تاماشالاي الادى. تارتىس اعىلشىن بوكسىنىڭ ەرەجەلەرىمەن 69,8 كەلىگە دەيىنگى سالماق دارەجەسىندە جۇرگىزىلەدى.
ول 27- تامىز كۇنى تاڭعى ساعات 8:00-دە لاس-ۆەگاستان تىكەلەي كورسەتىلەدى.
«بوكس تاريحىنداعى ەڭ تابىستى كەزدەسۋدى وتكىزىپ الماڭىزدار. 27- تامىز 2017. (جەكسەنبى) 08:00 - 11:30. بوكس. فلويد مەيۆەزەر - كونور ماكگرەگور. لاس-ۆەگاستان تىكەلەي كورسەتىلىم»، - دەپ جازىلعان «حابار» ارناسىنىڭ سايتىندا.
اۆتور: كۇنسۇلتان وتارباي