ماعان قانات يسلامنىڭ جۇدىرىقتاسۋ مانەرى ۇنايدى - قۋات «نايمان» حاميتوۆ
«جالپى، بۇل كەزدەسۋ جەڭىلىستىڭ اشى ءدامىن تاتىپ كورمەگەن ەكى الىپتىڭ شايقاسى بولايىن دەپ تۇر. ەكەۋى دە تاجىريبەلى بولعاندىقتان جەكپە-جەك كورەرمەندەردىڭ ايىزىن قاندىرايىن دەپ تۇر. سەبەبى، بۇل كەشتە سپورتتىق مانسابىندا جەڭىلىستىڭ نە ەكەنىن بىلمەگەن قوس بىلعارى قولعاپ شەبەرىنىڭ بىرەۋى جەڭىلەدى. ياعني، شارشى الاڭدا QAZAQ- تا كۋكتە ايانىپ قالمايدى. وسىنداي ءتىس قاققان قارسىلاستار كەزدەسكەندە نوكاۋت كورۋىمىز نەعايبىل. مەنىڭشە، قانات يسلام ۇپاي سانىمەن جەڭىسكە جەتەتىن سياقتى. البەتتە، نوكاۋتپەن جەڭسە، نۇر ۇستىنە نۇر بولادى دەپ ويلايمىن. جالپى ماعان قانات باۋىرىمىزدىڭ جۇدىرىقتاسۋ مانەرى ۇنايدى. شارشى الاڭدا ءوزىن ەركىن سەزىنىپ، قارسىلاسىن جويقىن سوققىسىنىڭ استىنا الادى دا، دەر كەزىندە قورعانىسقا دا كوشە بىلەدى. وتانداسىمىزدىڭ الماتىدا وتكىزگەن كەزدەسۋى ەڭ كەرەمەت جەكپە-جەگىنىڭ ءبىرى بولدى دەپ ويلايمىن. قازاقتىڭ جىگىتتەرى قانات يسلام سياقتى بولسا، ەلىمنىڭ بارلىق ەرلەرى نامىسقوي، ۇلتجاندى بولاتىن ەدى»، - دەپ جەكپە-جەك تۋرالى پىكىرىن ءبىلدىردى.
ەستەرىڭىزگە سالا كەتەيىك، استاناداعى «سارىارقا» ۆەلوترەگىندە وتەتىن كەشتىڭ باستى جەكپە-جەگىندە ءبىرىنشى ورتا سالماقتاعى WBO NABO جانە WBA Inter- Continental تۇجىرىمدارى بويىنشا الەم چەمپيونى قانات QAZAQ يسلام (24-0, 19 ك و) ءوز بەلبەۋلەرىن كانادالىق برەندون كۋكقا (18-0, 11 ك و) قارسى وتەتىن جەكپە-جەكتە قورعايدى.
سونىمەن قاتار بۇل بوكس كەشىندە جانقوش تۇراروۆ، جانىبەك ءالىمحان ۇلى، مەيىرىم نۇرسۇلتانوۆ، رۋسلان مىرساتايەۆ، ءالي احمەتوۆ، ايدوس ەربوسىن ۇلى، ديماش نيازوۆ جانە نۇرسۇلتان جاڭابايەۆ سەكىلدى وتانداستارىمىز ونەر كورسەتەدى.
