تاتارستان پرەزيدەنتى ءبىرجان-سارا ايتىسىنىڭ ەلەكتروندىق نۇسقاسىن تالدىقورعانعا جەتكىزدى - فوتو
كەزدەسۋ بارىسىندا قازاقستاندىق تاتارلار مارتەبەلى مەيمانعا وڭىردە تاتار ءتىلى مەن مادەنيەتىن دامىتۋ بويىنشا اتقارىلىپ جاتقان جۇمىستار جايىندا ايتىپ، رەتى كەلگەندە كوكەيدەگى ساۋالدارىن دا قويدى. سولاردىڭ ءبىرى - قازاق حالىقىنىڭ ءدۇلدۇل اقىندارى ءبىرجان سال مەن اقىن سارا ايتىسىنىڭ تاتارستان ارحيۆىندەگى نۇسقاسىن الۋ تۋرالى ەدى.
ماسەلەنى تاتارستان پرەزيدەنتى سول جەردە شەشىپ، الماتى وبلىسىنىڭ اكىمى اماندىق باتالوۆتىڭ قولىنا ارحيۆتە ساقتاۋلى تۇرعان ايتىستىڭ ەلەكتروندىق نۇسقاسى مەن كىتابىن تاپسىردى. كوپشىلىك تاراپىنان قويىلعان ۇسىنىستىڭ تاعى ءبىرى - قازاننىڭ ءبىر كوشەسىنە جەتىسۋ اتاۋىن، سونداي-اق وبلىس ورتالىعى تالدىقورعان قالاسىنىڭ ءبىر كوشەسىنە قازان اتاۋىن بەرۋ تۋرالى بولعان. بۇل جايتقا بايلانىستى تاتار باسشىسى دا ءوز ويىن ءبىلدىردى.
«استانا مەن قازان اراسىندا وسىنداي دوستىق پەيىلدەگى ىنتىماقتاستىق بار. بۇل وتە جاقسى باستاما ءبىز ونى ەندى الماتى وبلىسىمەن دە جالعاستىرۋعا نيەتتىمىز. اقىلداسىپ، ءمان-جايدى تالقىلاپ الايىق. ءسىزدىڭ ۇسىنىسىڭىز مىندەتتى تۇردە قولداۋ تاباتىن بولادى»، - دەپ جاۋاپ بەردى.
ايتا كەتەلىك، كەشە كەشكىسىن تالدىقورعانعا كەلگەن تاتارستان پرەزيدەنتى بۇگىن تاڭمەن الماتى وبلىسى اكىمىمەن رەسمي كەزدەسۋ وتكىزىپ، ىنتىماقتاستىق ماسەلەلەرىن تالقىلاعان بولاتىن. ال بۇل جيىنعا دەيىن وڭىردە اتقارىلىپ جاتقان ۇلكەن جوبالار تۋرالى ارنايى كورمەنى تاماشالادى.
تالدىقورعان قالاسىندا اتقارلىپ جاتقان جۇمىستارمەن تانىستى. تاتارستان رەسپۋبليكاسىنىڭ پرەزيدەنتى رۋستام ميننيحانوۆتىڭ جەتىسۋ جەرىندەگى ءىس ساپارى «قورعاس» شى ح و جالعاسادى.