اقتوبەلىك جەتكىنشەك اكەسىنە بارۋ ءۇشىن ۆەلوسيپەدىن ساتىپ جىبەرگەن
ول جول بويى ۆەلوسيپەدىن ساتىپ، اكەسىنە بارماق بولعانى انىقتالدى، دەپ حابارلايدى قازاقپارات ءتىلشىسى.
نيكەلتاۋ اۋىلىندا تۇراتىن كەنجەعالي ءالىباي ۇلىنىڭ جوعالىپ كەتكەندىگى تۋرالى بۇعان دەيىن حابارلاعان بولاتىنبىز.
ول 23 -تامىز كۇنى تۇندە ۇيىنەن شىعىپ، بەلگىسىز باعىتتا كەتىپ قالعان. ونىڭ جوعالىپ كەتكەندىگى تۋرالى اۋىل اكىمدىگى حابارلاپ، بالانى ىزدەپ- تابۋعا كومەك سۇراعان ەدى. جەتىنشى سىنىپ وقۋشىسىن اۋىل تۇرعىندارى جۇمىلا ىزدەدى.
جاس ءوسپىرىم ءبىر كۇننەن سوڭ تۇركىستاننان تابىلدى.
«ءىنىم تابىلدى. ول ءبىر كۇن بويى جولدا جۇرگەن. كەنجەعالي تۇركىستاننان تابىلدى. ول جاقتا ءبىزدىڭ اكەمىز بار. بۇل جاعداي ءبىرىنشى رەت بولدى. ءىنىم ۇيدەن شىعىپ، اقجار اۋىلىنا بارعان. سول جەردە ۆەلوسيپەدىن ساتىپ، كەيىن كولىك توقتاتىپ، تۇركىستانعا جەتكەن. ءبارى جاقسى، ول تابىلدى»، - دەدى بالانىڭ اعاسى ءىزباستى ءالىباي ۇلى.
ايتا كەتەيىك، كەنجەعالي اعاسىنىڭ قامقورشىلىعىندا بولعان.