تانىمال حيتكە بيلەگەن اجەي جاستاردى شاڭ قاپتىردى - كەسكىن

استانا. قازاقپارات - Ottawan فرانسۋز دۋەتى جاقىندا كومي رەسپۋبليكاسىنىڭ كۇنىنە وراي سىكتىۆكاردا وتكەن كونسەرتتە ونەر كورسەتكەن بولاتىن.

كونسەرت بارىسىندا 80-جىلداردىڭ ايگىلى D. I. S. C. O. حيتىنا بيلەپ تۇرعان اجەيدى كورگەن جۇرت ونى ۆيدەوعا ءتۇسىرىپ العان ەكەن.

ۆيدەودان ورامال تاققان اجەيدىڭ جاسىنا قاراماستان ەركىن قيمىلداپ، كوڭىلدى تۇرعان ءساتىن تاماشالاۋعا بولادى. ول، ءتىپتى، قاسىندا تۇرعان جاستاردان دا شيراق كورىنەدى.

ۆيدەو قىسقا ۋاقىتتىڭ ىشىندە-اق تەز تارالىپ، اجەي جەلى جۇلدىزىنا اينالدى. ونى تانىعان كورشىلەرى اجەيدىڭ ۋست- كۋلومسك اۋدانىنىڭ تۇرعىنى ەكەنىن جارىسا جازىپ، ماقتان تۇتۋدا.

 

دەرەككوزى: https://life.ru