22:51, 24 - تامىز 2017 | GMT +5
جىگىت كەزدەسۋدەن باس تارتقان سۇيىكتىسىنىڭ قولىن شاۋىپ تاستادى
استانا. قازاقپارات - ءۇندىستاننىڭ ۋتتار-پرادەش شتاتىندا 15 جاسار قىز 19 جاستاعى ۆينود چۋرازيامەن كەزدەسۋدەن باس تارتقانى ءۇشىن قولدارىنان ايىرىلدى.
بۇل جايلى Daily Mail باسىلىمى حابارلايدى.
جەرگىلىكتى پوليتسيا قىزمەتكەرلەرىنىڭ مالىمەتىنشە، جاس جىگىت قولىنا سەمسەر الىپ، قىز اعاسىمەن قىدىرىپ جۇرگەن بازارعا كەلگەن.
ۆينود وقۋشى قىزدى كەزدەسۋگە بارۋعا ۇزاق ۇگىتتەدى. ونىڭ قارسىلىعىن ەستىگەن سوڭ اشۋعا ەرىك بەرىپ قولدارىن بىلەگىنەن كەسىپ تاستاعان.
وسىدان كەيىن دە بىرنەشە جەرىن جارالاعان. سول ماڭايداعى ادامدار قىزعا اراشا ءتۇسىپ ۇلگەردى.
15 جاستاعى وقۋشى قىز اۋىر جاعدايدا اۋرۋحاناعا جەتكىزىلدى. ول كوپ قان جوعالتقان. قازىر پوليتسيا قىزمەتكەرلەرى قىزدىڭ قاسكۇنەمگە قارسى تۇسىنىكتەمە بەرۋى ءۇشىن ونىڭ جاعدايىنىڭ وڭالعانىن كۇتىپ وتىر.
