ب ۇ ۇ قازاقستاننىڭ «جاسىل» ەكونوميكاعا كوشۋ ۇدەرىسىن قولدايدى
پارلامەنت جوعارعى پالاتاسىنىڭ باسشىسى قازاقستاننىڭ ب ۇ ۇ- مەن ىنتىماقتاستىعىنىڭ جوعارى دەڭگەيىن اتاپ ءوتىپ، ب ۇ ۇ قورشاعان ورتا جونىندەگى باعدارلاماسىنىڭ استاناداعى ەكسپو-2017 كورمەسىنە بەلسەندى قاتىسقانى ءۇشىن ريزاشىلىق ءبىلدىردى.
«قازاقستان ب ۇ ۇ- نىڭ ماقساتتارى مەن مىندەتتەرىنەن ەش اينىمايدى، قازىرگى زامانداعى ماڭىزدى ماسەلەلەردى شەشۋدەگى ۇيىمنىڭ باستى ءرولىن نىعايتۋدى جاقتايدى. قازاقستان تۇراقتى ەمەس مۇشە بولىپ سايلانعان ب ۇ ۇ- نىڭ قاۋىپسىزدىك كەڭەسى بەيبىتشىلىك پەن قاۋىپسىزدىكتى ساقتاۋدىڭ ەڭ نەگىزگى تەتىگى بولىپ تابىلادى»، - دەپ اتاپ ءوتتى سەنات ءتوراعاسى.
جۇزدەسۋشىلەر بۇۇ اياسىندا ەكولوگيالىق قاۋىپسىزدىكتى قامتاماسىز ەتۋدەگى ورتاق كۇش-جىگەردى ۇيلەستىرۋ جولدارىنا قاتىستى پىكىر الماستى. كليمات وزگەرىستەرىمەن ءتيىمدى كۇرەس ءۇشىن پاريج كەلىسىمىنىڭ نەگىزگى ەرەجەلەرىن ورىنداۋدىڭ ماڭىزدىلىعى اتاپ ءوتىلدى.
سەنات ءتوراعاسى بۇل قۇجاتتى ۋاقىتىندا راتيفيكاتسيالاعان قازاقستاننىڭ ونىڭ ەرەجەلەرىن ىسكە اسىرۋعا قاتىسۋعا ءازىر ەكەنىن ايتتى.
كەزدەسۋ بارىسىندا استانا حالىقارالىق قارجى ورتالىعىنىڭ، «جاسىل» تەحنولوگيالاردى دامىتۋ جونىندەگى حالىقارالىق ورتالىقتىڭ جانە «بولاشاقتىڭ ەنەرگياسى» ينۆەستيتسيالىق جوبالار اياسىندا ب ۇ ۇ- مەن ىنتىماقتاستىقتىڭ كەلەشەگى تالقىلاندى.
ە. سولحەيم قازاقستاننىڭ «جاسىل» ەكونوميكاعا كوشۋ ۇدەرىسىن قىزۋ قولداۋعا نيەت ءبىلدىردى جانە قورشاعان ورتانى قورعاۋ ماسەلەلەرى بويىنشا ايماقتىق ىنتىماقتاستىقتى نىعايتۋ جايىندا ايتتى.
ق. توقايەۆ يۋنەپ حاتشىلىعىنىڭ الماتىدا سۋبايماقتىق بيۋروسىن اشۋ تۋرالى شەشىمى ءۇشىن العىس ايتتى. ول بۇل قالانى كوپتاراپتى ديپلوماتيا ءۇشىن ايماقتىق توراپقا اينالدىرۋعا ىقپال ەتەدى.
