قازاقستاندىقتارعا تەلەفون تىڭدالاتىنى تۋرالى حابار بەرۋ ۇسىنىلدى
«الداعى رەفورمادا استىرتىن تەرگەۋ امالدارى جۇرگىزىلگەن تۇلعالارعا تەرگەۋ قورىتىندىسى تۋرالى حابار بەرۋ ماسەلەسى تالقىلاندى. تاعى دا ەسكە سالامىن، مۇنداعى اڭگىمە قىلمىستىق-پروتسەسسۋالدىق كودەكستە كورسەتىلگەن قوزعالاتىن جانە تەرگەلەتىن قىلمىستىق ءىس پروتسەسى اياسىنداعى استىرتىن تەرگەۋ امالدارى جونىندە بولىپ وتىر. زەرتتەۋ ناتيجەلەرى بويىنشا تۇلعالارعا قاتىستى تەلەفون اڭگىمەلەرىن تىڭداۋ جانە قانداي دا ءبىر استىرتىن تەرگەۋ جۇمىستارى جۇرگىزىلگەنى تۋرالى حابار بەرۋ قاجەتتىگىن ۇسىنىپ وتىرمىز»، - دەدى ق ر ىشكى ىستەر ءمينيسترىنىڭ ورىنباسارى راشيد جاقىپوۆ ورتالىق كوممۋنيكاتسيالار قىزمەتىندە وتكەن باسپا ءسوز ءماسليحاتىندا.
مينيستر ورىنباسارىنىڭ ايتۋىنشا، قازىرگى ۋاقىتتا قىلمىستىق ءىستى تەرگەۋدە زاڭ تۇلعالاردىڭ قىلمىستىق ىسكە قاتىسى بار-جوعىن تەكسەرۋدە قانداي دا ءبىر استىرتىن تەرگەۋ ارەكەتتەرىن جاساۋعا رۇقسات بەرەدى.
ءوز كەزەگىندە ق ر باس پروكۋرورىنىڭ ورىناباسارى مارات احمەتجانوۆ ادامنىڭ قۇقىعىن شەكتەيتىن بارلىق تەرگەۋ امالدارىنىڭ سوتپەن سانكسيالانۋى قاجەتتىگىن ايتتى.
«قازىرگى ۋاقىتتا بارلىق استىرتىن تەرگەۋ امالدارىن، ياعني تەلەفون اڭگىمەلەرىن تىڭداۋدى وبلىستىق پروكۋرورلار سانكسيالايدى. رەفورماعا سايكەس، بۇل قىزمەتتەر تەرگەۋ سوتتارىنا بەرىلەدى»، - دەپ مالىمدەدى ول.
