ناسادا جۇمىس ىستەيتىن قازاق
ول - ناساعا جۇمىسقا تۇرعان العاشقى قانداسىمىز.
جاڭا تەحنولوگيالاردى زەرتتەي باستاعان ازامات تۋعان ولكەسىن ەشقاشان ەستەن شىعارماعان. ۆيردجينيا شتاتىنداعى بۇل ءۇيدى جەرگىلىكتى جۇرت قازاقتىڭ شاڭىراعى دەپ اتايدى.
دومبىرا مەن قوبىزدىڭ ءۇنىن ۇزبەيتىن دارحان نۇرماعامبەتتىڭ داستارقانىنان ۇلتتىق تاعام دا كەتپەيدى. ءۇي قوجايىنى 15 جىل بۇرىن قازاق-امەريكا قاۋىمداستىعىن قۇرىپ، دياسپوراعا جەتەكشىلىك ەتىپ كەلەدى.
«مەن شىعىس قازاقستان وڭىرىندە دۇنيەگە كەلدىم. 2002-جىلى ا ق ش- قا كوشتىك. قازىر ەكى بالام بار. بىزگە جۇمىس تابۋ قيىن بولعان جوق. ويتكەنى قازاقستاندا العان ءبىلىمىمىز وسال بولعان جوق. ءوزىم فيزيك ماماندىعىن يگەرگەنمىن»، - دەيدى قازاق-امەريكا قاۋىمداستىعىنىڭ پرەزيدەنتى دارحان نۇرماعامبەت.
ەڭ الدىمەن دارحان شۆەيتساريالىق كومپانيانىڭ وكىلى بولدى. ال جۇبايى اياۋلىم «وراكل» كومپانياسىنىڭ ديرەكتورى قىزمەتىن اتقاردى. كەيىن ول ا ق ش- تىڭ اەروناۆتيكا مەن عارىش كەڭىستىگىن زەرتتەۋ ۇلتتىق باسقارماسىنا جۇمىسقا ورنالاستى. وعان پيلوتتىق جوبالاردى ازىرلەۋ مىندەتى جۇكتەلدى. - مەن ءوز كوزىممەن شاتتلدىڭ عارىشقا جىبەرگەنىن كوردىم. بايقوڭىرعا باردىم. «سويۋز» بەن «كەيپ كاناۆەرال» پيلوتتىق جوبالارىنا قاتىستىم. ەۋروپالىق عارىش اگەنتتىگىمەن ىنتىماقتاستىق ورناتتىق. 12 جىل ىشىندە سالاداعى ۇزدىك ماماندارمەن تانىسىپ ۇلگەردىم، - دەيدى ول.
دارحان نۇرماعامبەت عارىش ستانسالارىندا بولعان كوپتەگەن تۇيتكىلدى شەشۋگە اتسالىستى. ونىڭ ايتۋىنشا، امەريكادا عارىش سالاسى كاسىپكەرلىكپەن تىكەلەي بايلانىستى. ناسا «بوينگ» كومپانياسىنىڭ تاپسىرىستارىن ورىنداعان. يلون ماسك باسقالارعا قاراعاندا، بۇل جوباعا الدەقايدا از قاراجات جۇمسادى.
«مەنىڭ ويىمشا، قازاقستاندىق عالىمدار دا ونى جۇزەگە اسىرا الادى. سوندىقتان ءبىر ورىندا تۇرماي، تەك العا قاراي جىلجىپ، اۆتوماتتاندىرۋ تەحنولوگياسىن دامىتۋ قاجەت». شەتتە جۇرگەن قانداستارىمىز قازاقستانمەن بايلانىسىن ۇزگەن ەمەس. قازاق-امەريكا قاۋىمداستىعىن اشقاننان كەيىن بۇل وتباسى جەرگىلىكتى دياسپورامەن بىرگە ۇلتتىق مەرەكەلەردى تويلاپ، كىشىگىرىم مەكتەپ اشتى.
ال جۇبايى اياۋلىم «بالاۋسا» حورىن قۇردى. بۇل مۋزىكالىق ۇجىم قازىر ەل اراسىندا ۇلكەن تانىمالدىققا يە. قازىر ولار ءتۇرلى ساحنالاردا ونەر كورسەتىپ ءجۇر. ەندى وتانداسىمىز قازاقستان مەن ا ق ش اراسىندا زامان تالابىنا ساي تەحنولوگيالاردى قولدانىپ، تىعىز بايلانىس ورناتۋدى كوزدەپ وتىر.
