ءسىزدى باقىتسىز ەتەتىن سەنىمدەر باقىت دەگەن نە؟

 استانا. قازاقپارات - ول - ءسىز ولشەمىن دە، باعاسىن دا بىلمەيتىن ءسات قانا. باقىتتى بولۋ ءۇشىن ءسىز ءوزىڭىزدىڭ ويىڭىزدى جاۋلاپ العان جالعان سەنىمدەردەن قۇتىلۋىڭىز كەرەك.

1. «ءسىز بارىنە ۇناۋعا ءتيىستىسىز» شىندىعىنا كەلسەك، جوق. ءسىز ەشكىمگە ۇناۋعا ءتيىستى ەمەسسىز. ءسىز جاساعان ارەكەتتەردىڭ بارلىعىنا سىن ايتىپ، جولىڭىزدان تايدىرۋعا جۇمىستاناتىن ادامداردىڭ قاتارى تابىلارى ءسوزسىز. كەز كەلگەن نارسەنى قولعا الاردا حەيتەر دەپ اتالاتىن جاعىمسىز پىكىر يەلەرىنەن ورىنسىز سوزدەردى ەستۋگە دايىن بولىڭىز. ەگەر بارىنە ۇناۋ ءۇشىن جۇمىس جاساساڭىز، باعىتىڭىزدى جوعالتاسىز.

 2. «بارلىق ىسكە يكەمىڭىز بولۋى كەرەك» بۇل دا - قوعامنىڭ سىزگە قويار تالابى. ءسىزدىڭ يكەمىڭىز بارلىعىنا بىردەي بولا بەرمەيدى. سۋرەت سالا المايمىن دەپ ءوزىڭىزدى تالانتسىزداردىڭ قاتارىنا قوسۋدان اۋلاق بولىڭىز. ەگەر قولىڭىزدان ءۇي شارۋاسىمەن اينالىسۋ كەلمەسە، جاقسى جار بولۋ قولىمنان كەلمەيدى دەگەن ۇكىمدى شىعارۋعا اسىقپاڭىز. يكەمدىلىك بولماي تالانتتى دامىتۋ - قيىن جۇمىس.

 3. «ءسىز قالاعانداي بولماسا.. .» ءيا، ءومىر سىزدەن جوسپارلارىڭىزدى سۇراپ وتىرمايدى نەمەسە ءسىزدىڭ جوسپارىڭىز بويىنشا ءبارى ىسكە اسا بەرمەيدى. تەك سول ولقىلىقتىڭ ورنىن قالاي تولتىرۋعا بولاتىنىن ويلانىپ كورىڭىز. موتيۆاتسيا بەرۋدىڭ شەبەرى توني روبينس ءبىر سوزىندە: «ومىردەگى بار نارسە ءسىز ويلاعانداي بولماسا قام جەمەڭىز. ەگەر سول بارلىق ساتسىزدىكتەر ءسىزدىڭ كەلەشەگىڭىز ءۇشىن ورىن العان بولسا شە؟ !» - دەگەن بولاتىن. شىنىمەن، مۇمكىن ءسىزدىڭ ومىرىڭىزدە كەزدەسكەن ءار ساتسىزدىك ءسىزدىڭ يگىلىگىڭىزگە ءۇشىن بولسا.. .

 4. «وتكەنمەن ءومىر سۇرەسىز» وتكەندى وزگەرتۋ مۇمكىن ەمەس. ءسىز كەلەر شاعىڭىز بەن قازىرگى ءساتىڭىزدى وزگەرتە الاسىز. وتكەن ءومىرىڭىز ءسىزدىڭ بولاشاعىڭىزعا كەدەرگى كەلتىرۋىڭە جول بەرمەڭىز.

 5. «وزگە ادامدار الدىنداعى پارىزىڭىز.. .» مۇنى مۇلدە ۇمىتتىڭىز. ءسىز - جەكە تۇلعاسىز. وزگەنىڭ الدىندا ءسىز جاۋاپ بەرۋگە ءتيىستى ەمەسسىز. ۇمىتپاڭىز، ءسىزدىڭ الدىڭىزدا دا ەشكىم ادام رەتىندە جاۋاپ بەرۋگە ءتيىستى ەمەس.

 6. «ەشنارسە ىستەمەي باقىتتى بولۋ» ءبىر نارسەگە يە بولۋ ءۇشىن قاجەتتى مولشەردە تەر توگۋ كەرەك. ەگەر، ءسىز ءوزىڭىزدى باقىتتى سەزىنە الماساڭىز، دەمەك، تەر توگىپ جاتقان جوقسىز. باقىت شىنايى جاعدايمەن عانا ولشەنەتىن بولسا دا، ەشنارسە جاساماساڭىز، وعان قول جەتكىزۋ مۇمكىن ەمەس.

7. «قيىندىق پەن جاۋاپكەرشىلىكتى قابىلداعاننان گورى، قاشقان دۇرىس» ءسىز قاشقانمەن ءبىر كۇنى قولعا تۇسەسىز. قيىندىقتان قاشۋ - جەڭىلۋ. قولىڭىزعا تيگەن مۇمكىندىكتەن ايرىلىپ قالدىم دەي بەرىڭىز. بۇل ويلارمەن كۇرەس جۇرگىزە باستاۋدىڭ ءوزى - ۇلكەن قادام. باقىتتى بولۋ دا، باقىتتان بەزۋ دە ءوز قولىڭىزدا ەكەنىن ەستەن شىعارماڭىز.

 

Massaget.kz