10:10, 24 - تامىز 2017 | GMT +5
قىرعىزستان قار بارىسىن اۋلايتىندارعا ايىپپۇل كولەمىن ۇلعايتتى
استانا. قازاقپارات - قىرعىزستاندا قار بارىسىن اۋلاۋ مەن ۇستاعانى ءۇشىن سالىناتىن ايىپپۇل كولەمى 500 مىڭنان 1,5 ميلليون سومعا دەيىن ۇلعايدى، دەپ حابارلايدى كابار.
بۇل تۋرالى بىشكەكتە وتكەن باسپا ءسوز ءماسليحاتىندا قورشاعان ورتانى قورعاۋ جانە ورمان شارۋاشىلىعى مەملەكەتتىك اگەنتتىگى جانىنداعى تابيعي رەسۋرستاردى قورعاۋ جانە پايدالانۋ دەپارتامەنتىنىڭ ديرەكتورى الماز مۇسايەۆ مالىمدەدى.
ونىڭ ايتۋىنشا، مۇنداي قاۋلى 2017 -جىلعى 18 -تامىزدا قابىلدانعان.
«بۇل قاۋلى قار بارىسىن اۋلاۋ مەن ۇستاۋعا عانا ەمەس، سونداي- اق ونى تاسىمالداۋ مەن ساقتاۋعا دا قاتىستى»، - دەدى ول.
مۇسايەۆ سوڭعى ءۇش جىلدا قىرعىزستاندا براكونەرلىكپەن اينالىسقانى ءۇشىن 11 ادام 1 جىلدان 5 جىلعا دەيىن سوتتالعان.
ايتا كەتەيىك، بىشكەك قالاسىندا 2017 -جىلعى 24-25 -تامىزدا قار بارىسى مەن ونىڭ ەكوجۇيەسىن ساقتاۋ جونىندە حالىقارالىق فورۋم وتۋدە.
