استانادا اۆتوبۋستىڭ ون شاقتى جەڭىل كولىكتى سوعىپ كەتۋ وقيعاسىنا قاتىستى پىكىر ءبىلدىردى

استانا. قازاقپارات - Astana LRT كومپانياسى اۆتوبۋس پەن 9 جەڭىل كولىك سوقتىعىسقان كولىك اپاتى تۋرالى پىكىر ءبىلدىردى، دەپ حابارلايدى قازاقپارات.

«14:30-دا №1 -اۆتوبۋس پاركىنە تيەسىلى №9 -باعداردىڭ Iveco ماركالى اۆتوبۋسى 20 ك م/ساع جىلدامدىقپەن كەلە جاتىپ («Vialon Pro» GPS- باعدارلاماسىنىڭ مالىمەتى بويىنشا) الدىڭعى كولىكتەرگە سوعىلعان. وقيعا سالدارىنان 9 جەڭىل كولىك ءبىر-بىرىنە سوعىلدى. جۇرگىزۋشى تاڭەرتەڭ جۇمىسقا كىرىسپەس بۇرىن مەديتسينالىق تەكسەرۋدەن وتكەن، ال كولىك بولسا تەحنيكالىق تەكسەرۋدەن وتكەن»، - دەپ حابارلايدى كومپانيا.

«الدىن الا مالىمەت بويىنشا، تەجەگىشتىڭ ىستەن شىعۋ نۇسقاسى ناقتىلانبايدى»، دەپ مالىمدەگەن Astana LRT تاراتقان حابارلامادا.

قازىرگى تاڭدا جۇرگىزۋشى جۇمىستان شەتتەتىلدى. استانا ءى ءى د تەرگەۋ جۇرگىزىپ جاتىر، رەسمي قورىتىندى تەرگەۋ اياقتالعان سوڭ عانا قويىلادى.