كۇيەۋگە شىعامىن دەگەنى ءۇشىن قىزىن ۇرىپ، شاشىن تاقىرلاپ تاستادى
بولعان وقيعانىڭ ءمان- جايى بىلاي بولعان: قىز سۇيىكتىسىنىڭ تۇرمىس قۇرۋ ۇسىنىسىنا كەلىسىمىن بەرگەنىن ايتىپ اكەسىنە كەلدى. الايدا اكەسى بۇل نەكەگە ءۇزىلدى- كەسىلدى قارسى بولدى.
تۋىستارى تاراپىنان قۇقىق قورعاۋ ورگاندارىنا شاعىم جازىلعاننان كەيىن قىزدىڭ اكەسىنە قاتىستى رەسەي فەدەراتسياسىنىڭ قىلمىستىق كودەكسىنىڭ 156-بابى بويىنشا قىلمىستىق ءىس قوزعالدى. بۇل قىلمىسقا بەرىلەتىن جازانىڭ ەڭ اۋىرى - 3 جىلعا دەيىن باس بوستاندىعىنان ايىرۋ.
قازىرگى تاڭدا ايىپتاۋ اكتىسى تىركەلىپ، اتالعان ءىس بويىنشا ماتەريالدار سوتقا جولدانعان.
وسىعان ۇقساس وقيعا 2016 -جىلى 2 قىزىنىڭ ولىمىنە سەبەپ بولعان داعىستان تۇرعىنى تۋرالى ايتا كەتكەن ءجون. ەكى قىزىنىڭ بىرەۋى كامەلەتتىك جاسقا تولماعان. قىزدار 2015 -جىلدىڭ جەلتوقسانىندا ءىز- ءتۇزسىز جوعالادى. تەرگەۋشىلەردىڭ بىرنەشە اي بويى ىزدەۋ جۇمىستارىنان كەيىن قىزداردىڭ ەڭ سوڭعى رەت اكەسىمەن بىرگە اۆتوكولىكتە وتىرعانى انىقتالعان. كەيىن بەلگىلى بولعانداي، اكەسىنىڭ مۇنداي ارەكەتى قىزداردىڭ ءبىر كۇنى ۇيگە كەش كەلىپ، «اۋلەتتىڭ ار- نامىسىنا كىر كەلتىردىڭدەر» دەگەن سەبەپ تۇرتكى بولعان. قىلمىسىن مويىنداعان اكەسىن سوت 15 جىل باس بوستاندىعىنان ايىرعان بولاتىن.
ابزال قاليەۆ
Baq.kz
