18:16, 23 - تامىز 2017 | GMT +5
ترامپ ا ق ش ۇكىمەتىن تاراتىپ جىبەرەمىن دەپ قورقىتتى
استانا. قازاقپارات - مەكسيكامەن شەكارالاس جەردە قابىرعا سوعۋ تۋرالى جەكە تىلەگىن ورىنداۋ ءۇشىن ترامپ ەڭ سوڭعى امالدارعا بارۋعا، ءتىپتى ول باستى اتقارۋشى ورگان كونگرەسستى دە تاراتىپ جىبەرۋگە دايىن.
بۇل تۋرالى روسبالت حابارلادى.
سەيسەنبى كۇنى پرەزيدەنت كونگرەسسمەندەرگە ءۇزىلدى-كەسىلدى تالاپ قويدى - نە قابىرعانىڭ سوعىلۋىنا قاراجات ءبولۋدى قاراستىرۋ نەمەسە تىكەلەي تەكەتىرەسكە بارىپ «جاپپاي جۇمىستان شىعارۋعا» سوقتىرۋ.
«بۇگىن مەن كونگرەسسكە حابارلاعىم كەلەدى: سىزدەردىڭ جۇمىستارىڭىز امەريكالىق وتباسىلاردىڭ، حالىقتىڭ، جۇمىسشىلاردىڭ مۇددەسىن ويلاۋ. بۇل سىزدەردىڭ جۇمىستارىڭىز»، - دەدى ترامپ اريزونا شتاتىنداعى فينيكس قالاسىنداعى جۇرتشىلىقپەن كەزدەسۋىندە. سونداي-اق ترامپ، 2013-جىلى كونگرەسس پەن ەكى پارتيانىڭ تانىمالدىلىعى كۇرت قۇلدىراعاندا فەدەرالدىق ورگانداردىڭ باسشىلىعى جۇمىسىن توقتاتقاندىعىن ەسكە سالىپ ءوتتى.
