نايزاعاي ءتۇسىپ، سوت عيماراتى ورتكە وراندى

استانا. قازاقپارات - حاركوۆ اپپەلياتسيالىق اكىمشىلىك سوتىنىڭ عيماراتىنا جاي ءتۇسىپ، وتقا وراندى، دەپ حابارلايدى «ينتەرفاكس-ۋكراينا».

بۇل جايلى حاركوۆ وبلىسى ت ج م ق باسشىلىعى ءمالىم ەتتى. قىزمەتكەرلەردىڭ الدىن الا بەرگەن اقپاراتىنا قاراعاندا، نايزاعاي ورتكە سەبەپ بولعان.

ۋكراينانىڭ توتەنشە جاعدايلار مەملەكەتتىك قىزمەتىنىڭ سايتىندا ايتىلعانداي، جالىن 1,8 مىڭ شارشى مەتردى شارپىدى.

ءورت سالدارىنان شاتىر مەن شاتىردىڭ استى جانىپ كەتكەن. مەكەمە اقپاراتىنشا، زارداپ شەككەندەر جوق. ءتىلسىز جاۋدى اۋىزدىقتاۋعا 39 تەحنيكا مەن 133 قۇتقارۋشى جۇمىلدىرىلعان.

وقيعا ورنىندا ۋكراينانىڭ حاركوۆ وبلىستىق توتەنشە جاعدايلار مەملەكەتتىك قىزمەتى جۇمىس جاساپ جاتىر.