ءۇندىستاندا يتتەردىڭ نە سەبەپتى كوگەرىپ كەتكەنى بەلگىلى بولدى - فوتو

استانا. قازاقپارات - ءۇندىستانداعى مۋمباي قالاسىندا جەرگىلىكتى تۇرعىندار كاسىپورىندى وندىرىستىك قالدىقتار مەن بويايتىن زاتتاردى وزەنگە تاستايدى دەپ ايىپتادى، - دەپ حابارلايدى The Guardian.

جەرگىلىكتى تۇرعىندار كوگەرىپ كەتكەن يتتەرگە تامىزدىڭ باسىندا نازار اۋدارعان، بۇل تۋرالى ولار شەنەۋنىكتەرگە، قورشاعان ورتانى قورعاۋ بويىنشا جاۋاپتىلارعا حابارلاعان. سويتسەك، وندىرىستىك كاسىپورىن جەرگىلىكتى وزەنگە قاۋىپتىك قالدىقتار مەن بويايتىن زاتتار تاستاعان.

 

بەلسەندىلەردىڭ ءبىرى اراتي چاۋحان Facebook جەلىسىندە قاڭعىباس يتتەردىڭ سۋرەتتەرىن جاريالاپ، تالودجا وندىرىستىك ايماعىندا سۋعا تاستالاتىن زيان زاتتاردىڭ ادامدارعا عانا ەمەس، فلورا مەن فاۋناعا اسەر ەتەتىنىن جازدى. اقىرىندا جانۋارلاردىڭ كوگەرىپ كەتكەنىنە كىنالى دەلىنگەن كاسىپورىندى جابۋ تۋرالى شەشىم قابىلدانعان.

ال تۇسكە بويالعان يتتەردىڭ ومىرىنە قاۋىپ جوق- مىس.

 

باسىلىمنىڭ مالىمەتىنشە، بيلىك تەكسەرىس جۇرگىزىپ، جەرگىلىكتى حالىقتىڭ بەكەر دابىل قاقپاعانىن راستاپتى.