وقۋشىلاردى تاياقپەن ۇرۋعا رۇقسات بەرىلدى
تەحاس شتاتىنداعى Three Rivers تاۋەلسىز مەكتەبى مەكتەپ باسشىلىعىنىڭ جەتى مۇشەسىنىڭ التى مۇشەسى وسى ەرەجەنى قولداپ داۋىس بەرگەن، ال ءبىر ادام جينالىسقا كەلمەي قالعان. قاۋلى بويىنشا بالالاردى اتا-اناسىنىڭ جازباشا رۇقساتى بويىنشا ديرەكتور جانە وقۋ ءىسى جونىندەگى ديرەكتوردىڭ ورىنباسارى عانا ۇرا الادى. رۇقساتتى اتا-انالار وقۋ جىلىنىڭ باسىندا بەرەدى ەكەن.
«ەگەر اتا-اناسى قارسى بولسا، بۇل ماسەلە قارالمايدى دا»، - دەيدى وقۋ وكرۋگىنىڭ اعا ينسپەكتورى مەري سپرينگس. تەحاس مەكتەپتەگى جازالاۋ زاڭدى كۇشىنە ەنگەن شتات. 2016 -جىلدىڭ قاراشاسىندا سول كەزدەگى ءبىلىم ءمينيسترى دجون كينگ بارلىق شتاتتارعا بالالاردى ۇرماۋ تۋرالى ۇسىنىس ايتقان بولاتىن. ونىڭ ايتۋىنشا، بۇل بالالارعا زيان كەلتىرەدى.
عالىمدار زەرتتەۋىنە سۇيەنە وتىرىپ، ول بالالاردى ۇرۋ اشۋلانشاق بولۋعا جانە ءتارتىپتى بۇزۋعا يتەرمەلەيتىنىن ايتقان.
tengrinews.kz
