11:03, 23 - تامىز 2017 | GMT +5
سوڭعى بەس جىلدا استانانىڭ قانشا تۇرعىنى باسپانالى بولدى
استانا. قازاقپارات - استانا قالاسىندا سوڭعى بەس جىلدا 9 ميلليون شارشى مەتردەن استام تۇرعىن ءۇي سالىندى، دەپ حابارلايدى قازاقپارات ەلوردا اكىمدىگىنىڭ مەديا ورتالىعىنا سىلتەمە جاساپ.
«ناتيجەسىندە 300 مىڭعا جۋىق ەلوردالىق جاڭا باسپاناعا يە بولدى. بۇل ورتاشا كولەمدەگى وبلىس ورتالىعىنىڭ تۇرعىندارىنا پارا- پار. جىل سوڭىنا دەيىن تاعى 2,5 ميلليونعا جۋىق شارشى مەتر تۇرعىن ءۇيدى ىسكە قوسۋ جوسپارلانۋدا»، - دەلىنگەن ۇسىنىلعان مالىمەتتە.
ال الداعى ءۇش جىلدا استانادا جىل سايىن 2 ميلليون شارشى مەتردەن كەم ەمەس كولەمدە باسپانا سالىپ وتىرۋ كوزدەلەدى.
قالالىق تۇرعىن ءۇي باسقارماسى باسشىسىنىڭ ورىنباسارى ميرا بايسۇگىروۆانىڭ ايتۋىنشا، بۇگىندە باسپاناعا مۇقتاجدار تىزىندە 46 مىڭعا جۋىق ازامات تۇر.
«زاڭناماعا سايكەس، پاتەرلەر ءتىزىم كەزەگىنە تۇرۋ ۋاقىتىنا بايلانىستى ۇلەستىرىلەدى. بيىل پايدالانۋعا بەرىلگەن نىساندار اياسىندا 259 ادام باسپانالى بولدى»، - دەپ اتاپ ءوتتى ول.
