استانادا اباي قۇنانبايەۆتىڭ اجەسى تۋرالى سپەكتاكل قويىلادى
اقىن، ق ر مەملەكەتتىك سىيلىعىنىڭ لاۋرەاتى ۇلىقبەك ەسداۋلەتتىڭ جاڭادان قويىلعان «زەرە» دراماسى كورەرمەندى ەكى عاسىردىڭ شەگىندەگى قازاق حالقىنىڭ تۇرمىسىمەن ەتەنە تانىستىرادى. اۆتور كەيىپكەرلەردىڭ بەينەسىن جاڭادان سيپاتتاپ، ۇرپاقتاردىڭ جادىندا قالعان قازاق ايەلدەرىنىڭ ۇلىقتىلىعى مەن جاسامپازدىق كۇشىن قۋاتتايدى.
العاشىندا سپەكتاكل ءبىر وتباسىنىڭ ءومىرى تۋرالى سياقتى بولىپ كورىنەدى، ال شىن مانىندە وندا سول كەزەڭدەگى قازاق حالقىنىڭ ءومىرى سيپاتتالادى. الىپ - انادان تۋادى. ابايدىڭ اكەسى قۇنانبايدىڭ اعا سۇلتان بولماس بۇرىن، جاس شاعىندا دانا، مەيىربان اناسى زەرەدەن العان ءتالىم- تاربيەسى تەكتىلىكتىڭ نىشانىنا اينالادى.
زەرە - وتباسى، وشاق قاسىنداعى وكتەم بايبىشە عانا ەمەس، ەلىنىڭ مۇڭ- مۇقتاجىن، قايعى- قاسىرەتىن، رەسەي يمپەرياسىنىڭ قاراماعىندا وتكەن ءداۋىردىڭ قيىندىعىن كورە بىلەتىن دانا، مەيىربان انا.
پەسا قازاقستاننىڭ حالىق ءارتيسى گۇلجان اسپەتوۆانىڭ ساحناداعى 50 جىلدىق شىعارماشىلىعىنا وراي جازىلدى. قازاق تەاترىنىڭ كيەلى ساحناسىنا 1967 -جىلى العاش قاراگوز بولىپ قادام اتتاعان اكتريسا بۇگىن، 70 جىلدىق مەرەيتويىندا العاشقى زەرە انا وبرازىنا جول اشىپ، عۇمىر سىيلاماق.
قويىلىمنىڭ قويۋشى- رەجيسسەرى - ق ر ەڭبەك سىڭىرگەن قايراتكەرى نۇرقانات جاقىپباي، قويۋشى سۋرەتشىسى بەرىك بۋربايەۆ.
