07:18, 23 - تامىز 2017 | GMT +5
سوت ەكس- گۋبەرناتوردىڭ تۇرمەدە ۇيلەنۋىنە رۇقسات ەتتى
استانا. قازاقپارات - ماسكەۋدەگى پرەسنەنسكي اۋدانىنىڭ سوتى كيروۆ وبلىسىنىڭ بۇرىنعى گۋبەرناتورى نيكيتا بەلىح پەن ونىڭ قالىڭدىعى ەكاتەرينا رەيفەرتتىڭ تەرگەۋ وقشاۋلاعىشىندا نەكەسىن قيۋعا رۇقسات ەتتى.
بۇل تۋرالى ونىڭ ادۆوكاتى مارينا ياروش ايتتى، دەپ حابارلايدى «ينتەرفاكس».
«سۋديا كۋا رەتىندە جاۋاپ الۋدان سوڭ، 5 -قىركۇيەكتە ەكاتەريناعا نيكيتا بەلىحپەن تەرگەۋ وقشاۋلاعىشىندا كەزدەسىپ، نەكەگە تۇرۋىنا مۇمكىندىك بەرەدى»، - دەدى ياروش.
ونىڭ سوزىنە قاراعاندا، «بۇل بۇگىنگى ەڭ جاقسى جاڭالىق».
بۇدان بۇرىن بەلىحتى تۇتقىنداۋدىڭ جارتى جىلعا سوزىلعاندىعى حابارلانعان بولاتىن.
2016 -جىلعى قاراشادا بەلىح تەگەۋ وقشاۋلاعىشىندا جاتىپ، ءوزىنىڭ ۇيلەنۋگە نيەتى بار ەكەندىگىن ءمالىم ەتكەن ەدى.
