الماتى وبلىسىندا بوستاندىققا شىققان قىلمىسكەر كەلىنشەك قايتا قاماۋعا الىندى
قازىر 48 جاستاعى كەلىنشەك ۋاقىتشا ۇستاۋ يزولياتورىنا قامالدى. كۇدىكتى بۇعان دەيىن ەسىرتكى ساۋدالاۋمەن اينالىسىپ، 11 جىلعا باس بوستاندىعىنان ايىرىلعان بولاتىن. 9 جىلىن اباقتىدا وتكىزگەن ايەل تەمىر توردان بوساتىلىپ، قايتا قىلمىستىق جاۋاپكەرشىلىككە تارتىلۋدا.
وقيعا ۇشتوبە قالاسىندا بولعان.
جەر ۇيلەردىڭ بىرىنەن كەيۋانانىڭ مۇردەسى تابىلدى. ارنايى ساراپتاما قورىتىندىسىنا سايكەس، جابىرلەنۋشىنى قيناپ، قىلقىندىرىپ ولتىرگەن.
انىقتالعانداي، كۇدىكتى كەلىنشەك جالعىز تۇراتىن ۇشتوبەلىكتىڭ ءۇيىن توناۋعا كەلگەن. سول ساتتە كەيۋانا ۇيقىسىنان ويانىپ كەتكەن كورىنەدى.
76 جاستاعى اجە شاماسى كەلگەنشە ۇرىعا قارسىلىق تانىتقان. ءبىراق، سوڭىندا قاسكوي قارتتى ءولتىرىپ، ۇيىنەن باعالى اشەكەي بۇيىمدارى مەن زەينەتاقىسىنان جيناپ تەرگەن قارجىسىن قولدى قىلعان.
كۇدىكتى ءوز قىلمىسىن مويىندادى. قازىرگى تاڭدا ق ر ق ك- ءنىڭ 99-بابى بويىنشا ءىس قوزعالىپ، تەرگەۋ جۇمىستارى جالعاسۋدا.
اۆتور: سامال قابىشەۆا
