ۇكىمەت باسشىسى «رۋحاني جاڭعىرۋ» جوبالارىن جەكە قاداعالاۋعا الۋدى جۇكتەدى
اتاپ ايتقاندا، ۇكىمەت باسشىسى ۇلتتىق ەكونوميكا، اۋىل شارۋاشىلىعى مينيسترلىكتەرى اكىمدەرمەن بىرلەسە ءبىر اي مەرزىمدە حالىقتى شاعىن نەسيەمەن قامتۋدى كەڭەيتۋدى قوسىمشا قاراستىرۋى ءتيىس ەكەنىن جەتكىزدى.
«ناتيجەلى جۇمىسپەن قامتۋ جانە جاپپاي كاسىپكەرلىكتى دامىتۋ باعدارلاماسىن جۇزەگە اسىرۋ اياسىندا ءوڭىر اكىمدەرى ازاماتتاردى زەينەتاقى جۇيەسى مەن مىندەتتى الەۋمەتتىك مەديتسينالىق ساقتاندىرۋعا (م ا م س) تارتۋ ءۇشىن تۇراقتى جۇمىس ورىندارىن قۇرۋعا ەرەكشە نازار اۋدارۋ قاجەت.
وتكەن ۇكىمەت وتىرىسىندا ۇلتتىق ەكسپورتتىق ستراتەگيانى ماقۇلدادىق. ەندى ينۆەستيتسيالار جانە دامۋ مينيسترلىگى مۇددەلى مەمورگاندارمەن بىرلەسە ءبىر اي مەرزىمدە ەكسپورتتاۋشىلاردى قولداۋ باعاتىندا مينيسترلىكتەردىڭ، جەرگىلىكتى اتقارۋشى ورگانداردىڭ، سونداي-اق «قازاق ەكسپورت» ۇلتتىق كومپانياسىنىڭ جاۋاپكەرشىلىك اۋماعىن جىكتەۋ بويىنشا ناقتى ۇسىنىستار ەنگىزۋى قاجەت»، - دەدى پرەمەر-مينيستر.
بۇدان بولەك، ۇلتتىق ەكونوميكا مينيسترلىگىنە مۇددەلى مەمورگاندارمەن جانە ۇلتتىق كاسىپكەرلەر پالاتاسىمەن بىرلەسە «ازاماتتارعا ارنالعان ۇكىمەت» كورپوراتسياسىنا ۇقساس جولمەن بيزنەس ءۇشىن مەملەكەتتىك قىزمەتتەردى ىسكە اسىرۋ بويىنشا ۇسىنىستاردى ەنگىزۋ جۇكتەلدى.
«مىندەتتى الەۋمەتتىك مەديتسينالىق ساقتاندىرۋعا قاتىستى دەنساۋلىق ساقتاۋ مينيسترلىگىنە ۇلتتىق ەكونوميكا، قارجى، ادىلەت، ەڭبەك جانە الەۋمەتتىك قورعاۋ مينيسترلىكتەرىمەن بىرلەسە ەكى كۇندىك مەرزىمدە ءمامس ماسەلەلەرى بويىنشا مەملەكەت باسشىسىنا حاتتىڭ جوباسىن ەنگىزۋدى تاپسىرامىن. مۇنىمەن قوسا، مادەنيەت جانە سپورت، ءبىلىم جانە عىلىم، اقپارات جانە كوممۋنيكاتسيالار، ءدىن ىستەرى جانە ازاماتتىق قوعام، قارجى مينيسترلىكتەرىنە، ءوڭىر اكىمدىكتەرىنە «رۋحاني جاڭعىرۋ» باعدارلاماسى اياسىندا جوبالاردى دەر كەزىندە جۇزەگە اسىرۋدى قامتاماسىز ەتۋدى جەكەلەي قاداعالاۋعا الۋ جۇكتەلەدى»، - دەپ اتاپ ءوتتى باقىتجان ساعىنتايەۆ.
اۆتور: رۋسلان عابباسوۆ
