ەندى شىمكەنتتەگى قاڭعىباس يتتەرگە وق اتىلمايدى
ەندى ولار مامانداندىرىلعان جانۋارلاردى ۋاقىتشا ۇستاۋ پۋنكتىنە ورنالاستىرىلاتىن بولادى، دەپ حابارلايدى otyrar.kz.
اتالمىش ارنايى ورىن سايرام اۋدانىنداعى ابدۋلاباد اۋىلىندا اشىلدى. وندا ءبىر ۋاقىتتا 400 جانۋار ۇستاۋعا جاعداي جاسالعان. ەگەر ءيتتىڭ يەسى ءۇش تاۋلىك ىشىندە ىزدەپ كەلمەسە، جانۋارلار ولتىرىلەدى. ول ءۇشىن بۇرىنعىداي بەككەر شۇڭقىرلارى ەمەس، ارنايى پەشتەر قولدانىلادى. جالپى قاڭعىباس يتتەر مەن مىسىقتاردى جويۋعا بيۋدجەتتەن 49 ميلليون تەڭگە ءبولىندى. قازىر مۇندا 300 ءيت بار. ولاردى ۇستاۋعا مەملەكەت 15 ميلليون تەڭگە ءبولدى، ءبىر يتكە تاۋلىگىنە 1721 تەڭگە جۇمسالادى. جىل باسىنان بەرى 23 مىڭ ءيت اۋلاندى. مامانداردىڭ ايتۋىنشا جانۋارلاردى ۋاقىتشا ۇستاۋ ورنى شىمكەنتتە بەكىتىلگەن جانۋارلاردى ۇستاۋ ەرەجەلەرىنە سايكەس اشىلعان. مۇنداي ەرەجەلەر استانا جانە الماتى قالالارىندا الدەقاشان قولدانىسقا ەنگەن. ەندى شىمكەنت ولاردىڭ تاجىريبەسىن قابىلداپ جاتىر.
