استانادا جەكەمەنشىك بالاباقشالار سانى قارقىندى وسۋدە
استانا قالاسىنىڭ اكىمى اسەت يسەكەشەۆ مەملەكەت باسشىسىنىڭ قاتىسۋىمەن وتكەن جيىننىڭ قورىتىندىسى بويىنشا وتىرىس وتكىزدى. استانادا جەكەمەنشىك بالاباقشالاردىڭ سانى مەملەكەتتىك بالاباقشالارعا قاراعاندا تەز وسۋدە. قازىرگى ۋاقىتتا جەكەمەنشىك بالباقشالاردىڭ سانى -116، مەملەكەتتىك-96.
«بيىل 7200 ورىنعا ارنالعان بىرنەشە بالباقشانىڭ قۇرىلىسى اياقتالادى. مەملەكەتتىك جەكە سەرىكتەستىك اياسىندا 6 بالاباقشانىڭ قۇرىلىسى باستالدى. 2 بالاباقشانى جەرگىلىكتى كومپانيا، 4 بالباقشانى پولشالىق كومپانيامەن سالۋدا»، - دەدى استانا اكىمى اسەت يسەكەشەۆ.
ول سونداي-اق وتكەن جىلى استانادا وقۋشىلاردىڭ سانى 130 مىڭعا دەيىن جەتكەنىن ايتتى (2015-2016 -جىلدارى-117 مىڭ بالا)، ال بيىل بۇل كورسەتكىش 143 مىڭعا دەيىن جەتەدى دەپ كۇتىلۋدە (2017 -جىلى-70 مىڭ).
«كوشى-قوننىڭ ارتۋىنا بايلانىستى 27 مەكتەپتە وقۋشىلارعا ورىننىڭ جەتىسپەۋشىلىگى سەزىلۋدە. بۇل ماسەلەنى شەشۋ ءۇشىن ءبىز 2600 ورىندىق 5 جاپسارلاس سالىنعان مەكتەپتىڭ قۇرىلىسىن اياقتايمىز، 11 مىڭ ورىنعا شاقتالعان 10 جاڭا مەكتەپتىڭ قۇرىلىسىن باستادىق. جاڭا وقۋ جىلىندا CISCO كومپانياسىمەن بىرلەسە وتىرىپ 10 مەكتەپتە جانە 4 كوللەدجدە جەلىلىك اكادەميانى ىسكە قوسامىز. بۇل حالىقارالىق سەرتيفيكاتتارىن بەرىپ، 300 IT ماماندى دايىنداۋعا سەپتىگىن تيگىزەدى»، - دەپ اتاپ ءوتتى استانى اكىمى.
جاڭا وقۋ جىلىنا 46 ەلوردالىق مەكتەپ روبوتوتەحنيكالىق كابينەتتەرمەن قامتىلعان. «استانالىقتاردىڭ ءومىر ساپاسى مەن عۇمىر جاسى ارتۋدا (75,4 جاس، بۇل ەل بويىنشا ورتاشا كورسەتكىشتەن 3,5 جاسقا ارتىق) ءولىم كورسەتكىشىنىڭ ازايۋى ارقاسىندا ارتىپ وتىر (انا مەن بالا ءولىمى، الەۋمەتتىك ماڭىزى بار اۋرۋلاردىڭ سالدارىنان قايعىلى جاعدايلار)»، - دەدى ءا. يسەكەشەۆ.
ەلوردادا ەكى وڭىرلىك ينسۋلت ورتالىعى ىسكە قوسىلعان. جۇرەك تالماسىنان ءولىم
كورسەتكىشى %30,7 عا ازايدى، ينسۋلت-%49,1 عا تومەندەدى (2016 -جىلدىڭ ءبىرىنشى جارتىجىلدىعىمەن سالىستىرعاندا).
قالالىق مەديتسينالىق مەكەمەلەردە 5 مىڭنان استام جوعارى تەحنولوگيالىق وتا جاسالدى.
