جىگىتتىڭ سىزدە سەزىمى بار ەكەنىن قالاي بىلۋگە بولادى؟

استانا. قازاقپارات - جىگىت ءوزىنىڭ سەزىمىن اشىق تۇردە بىلدىرە الادى. ءبىراق ول قانشالىقتى شىنايى ەكەنىن اڭعارۋ قيىنداۋ نارسە.

قىز بالاسى ءۇشىن بۇل باستى ماسەلەنىڭ ءبىرى. سەبەبى «ول مەنى شىن سۇيە مە» دەگەن سۇراق تۇرادى دەپ جازادى Massaget.kz.

سونىمەن سۇيگەنىڭىزدىڭ سىزدە كوڭىلى بار ەكەنىن قالاي بىلۋگە بولادى؟

كوزىنە قاراڭىز، ءبارىن كورەسىز.

جىگىتتىڭ كوزى ءسىزدى شىن جاقسى كورەتىنىن الدە الداپ جۇرگەنىنەن حابار بەرەدى. شىن جاقسى كورگەن جىگىت سىزگە قاراۋدان جالىقپايدى. شارشامايدى. ونىڭ كوزى باقىتقا تولى بولادى. ءتىپتى فيزيكالىق جاقتان دا ونىڭ كوزىنىڭ قاراشىعى ۇلكەيىپ، سەزىمىنەن حابار بەرەدى.

تىڭداي بىلسە.

ەگەر جىگىتىڭىز ءسىزدى تىڭداي بىلسە، ءسىزدىڭ سىرىڭىزعا قۇلاق تۇرە بىلسە وندا ول ءسىزدى سۇيەدى. ال ءوزى جايىندا ايتىپ، ءسىزدىڭ اڭگىمەلەرىڭىزگە قارسى شىعىپ وتىرسا، وندا وعان ءالى ەرتە. الدانىپ قالماڭىز. ەڭ دۇرىسى سىرلاسىپ اڭگىمەگە شاقىرىڭىز، ءبارى انىق كورىنەدى.

جاقسى سوزدەردى ءجيى ايتۋ.

سونىڭ ىشىندە سەزىمىن بىلدىرەتىن ەڭ سۇلۋ سوزدەرمەن سىزگە كۇن سايىن جاۋاپ بەرەدى. سەزىمى مەن كوڭىلى بار جىگىت سىزگە جاقسى ءسوز ايتۋدان قاشپايدى. كۇنىنە ءتۇرلى ءسوز ويلاپ تاۋىپ، ءسىزدىڭ كوڭىلىڭىزدى تاپقىسى كەلەدى.

ءىس-ارەكەتى سوزىنە ساي.

جىگىت سەرت بەرىپ نەمەسە سوزبەن سۇلۋ ورنەك ورە بىلگەن ەكەن، ول وعان لايىق بولۋ كەرەك. ياعني جاقسى كورگەن ادام ءۇشىن بارىنە باراتىنىن ىسىمەن دە دالەلدەۋ كەرەك. مىنە بۇل ناعىز جىگىتكە ءتان مىنەز. ءسوزى مەن ىسىنە قاراپ، ءسىز جىگىتتىڭ ءسىزدى قالاي جاقسى كورەتىنىن اڭعارا الاسىز.