اشحاباد تۇرعىندارىنا ازيا ويىندارى بىتكەنشە دالاعا كىر جايۋعا تىيىم سالىندى

استانا. قازاقپارات - قىركۇيەكتە اشحابادتا وتەتىن ازيادا ويىندارى قارساڭىندا استانا تۇرعىندارىنا دالاعا كىر جويۋعا تىيىم سالعان. بۇل جونىندە اشحاباد تۇرعىندارى مەن تاۋەلسىز باسىلىمدار حابارلايدى.

«تۇركىمەنستان وقيعاسى» تاۋەلسىز باسىلىمىنىڭ جازۋىنشا، 16- تامىزدا اشحابادتىڭ مير-4 جانە مير-7 شاعىن اۋداندارىن جەرگىلىكتى بيلىك وكىلدەرى ارالاپ، ازيادا ويىندارى اياقتالعانعا دەيىن، بالكوندارىنا كىر جايىپ، زاتتار قويۋعا تىيىم سالىناتىنىن حابارلاعان.

تاۋەلسىز باسىلىمنىڭ جازۋىنشا، جاڭا ەرەجەنى بۇزعاندارعا 400 مانات ايىپپۇل سالىنادى.

تۇركىمەنستان ورتالىق بانكىنىڭ رەسمي باعامى بويىنشا 1 ا ق ش دوللارى 3.5 مانات بولادى. قارا بازاردا 1 دوللار 7 مانات شاماسىندا.

اشحاباد شولۋشىسى امانمۋراد بۋگايەۆتىڭ سوزدەرىنشە، قازىرگى ۋاقىتتا مير-4، مير-5 جانە مير -7 شاعىن اۋدانىنداعى ۇيلەردىڭ بارىنە كىر جاياتىن سىمدار الىنىپ تاستالعان.

وسىعان دەيىن اتالعان شاعىن اۋدانداعى ۇيلەرگە قوندىرىلعان سالقىنداتقىشتاردى دا جاپپاي العىزىپ تاستالعانى حابارلانعان ەدى.

17-27- قىركۇيەكتە اشحابادتا جاۋىنگەرلىك ونەر بويىنشا V- ازيا ويىندارى وتەدى.